Lucas 1:46 - Inkeanon

⁴⁶ Naghambae si Maria, “Ginadayaw ko gid ro Ginuong Dyos it hantop sa akong tagipusuon

Lucas 1:46 Iomraidhean Croise

Mga TagaRoma 5:11

Ag bukon eang it duyon ay bisan sa makaron hay nagakalipay eo't-a kita ay nagmayad eon ro atong relasyon sa Dyos paagi sa kamatayon ku atong Ginuo nga si Jesu-Kristo.

1 Corinto 1:31

Ngani pareho sa nasueat sa Sagrado nga Kasueatan nga, “Kon may gapabugae, ro ana dapat nga ipabugae hay ro hinimuan it Ginuo.”

2 Corinto 2:14

Pero bisan makaruyon, mabahoe gid ro akong pagpasaeamat sa Dyos, imaw nga nagadaea permi it kadaeag-an kamon dahil sa among kaangtanan kay Kristo. Ag ginagamit nana kami agod ipasayod ro mensahi parti kana sa bisan siin nga lugar. Rondayang Mayad nga Balita hay pareho it pahumot nga ro hugom hay nagapaeang-abot kon siin-siin.

Mga TagaFilipos 3:3

Pero ro matuod hay bukon it sanda kundi kita ro minatuod nga katawhan it Dyos. Sa bulig ku anang Espirito hay nagasimba kita sa Dyos, ag nagasalig kita kay Kristo Jesus para sa atong kaeuwasan. Owa kita nagasalig kon sin-o kita, o kon ano ro atong binuhatan, agod nga maeuwas.

Mga TagaFilipos 4:4

Magkalipay kamo permi tungod sa inyong maeueot nga kaangtanan sa Ginuo. Ginahambae ko kinyo it uman nga magkalipay kamo.

1 Tesalonica 5:23

Kabay pa nga ro Dyos nga ginahalinan it katawhayan hay imaw man ro gabulig kinyo nga magpangabuhi it matarong gid bilang anang mga katawhan nga anang ginpaeain. Ag kabay pa nga bantayan nana ro bilog ninyo nga pagkatawo agod sa pagbalik it atong Ginuo nga si Jesu-Kristo hay owa gid kinyo it ikasaway.

1 Pedro 1:8

Owa pa ninyo hakita si Jesu-Kristo pero inyo imaw nga ginahigugma, ag bisan indi pa ninyo imaw hikita makaron hay nagatuo gihapon kamo kana. Ag owa it bisaea nga makalarawan ku inyong kalipay nga owa it katupong.