Lucas 1:29 - Inkeanon

²⁹ Naglitik gid ro ueo ni Maria pagkabati nana ku ginhambae ngato it anghel. Gin-inisip nana kon ano kato ro buot hambaeon.

Lucas 1:29 Iomraidhean Croise

Mateo 16:7

Pagkabati kara ku mga sumueunod hay nag-istorya sanda kon ano ro buot hambaeon ni Jesus. Hambae nanda sa kada isaea, “Ginhambae siguro nana ron ay sayod nana nga owa kita it baeon nga tinapay.”

Lucas 1:12

Kinuebaan si Zacarias pagkakita nana sa anghel ag hinadlukan gid imaw.

Lucas 1:28

Nagpaeapit ro anghel kay Maria, nagtao it katahuran ag naghambae pa gid, “Maria, ginapakamaayo ka it Ginuong Dyos ag ginadipara ka nana permi.”

Lucas 1:66

Tanan nga nakabati kara hay nagpaino-ino it madaeom. Sinanda, “Ano gid baea ro unga ngara kon magbahoe ay?” Duyon sinanda tungod nga makita eagi nga gin-giyahan it Ginuong Dyos ro nagkaeanabo sa anang kabuhi.

Lucas 2:19

Pero si Maria ma't-a hay ginpinaino-ino it madaeom ro tanan ngato nga mga natabo ag owa gid rato maduea sa anang isip.

Lucas 2:51

Nagmunot kanda si Jesus pauli sa Nazaret ag sa anang pagbahoe hay nagpadayon imaw nga matinumanon kanda. Ro tanan ngatong natabo hay gintanom ni Maria sa anang paino-ino.

Mga Binuhatan 10:17

Tag nagapalitik pa si Pedro kon ano ro kahueugan ku ginpakita ngato kana it Dyos hay nag-abot tag tatlong ka tawo nga ginpaadto ni Cornelius. Nakaabot gid man sanda idto sa andang pagpinangutana. Idto sanda sa may pwertahan it kurae ku baeay ni Simon nga manogproseso it panit it sapat.

Mga Binuhatan 10:4

Hinadlukan si Cornelius pagtueok nana sa anghel. Nagsabat dayon imaw, “Ano kunta, sir?” Nagsabat ro anghel, “Nalipay gid kimo ro Dyos ag owa nana ginakalipati ro imong mga pangamuyo, ag ro imong pagbinulig sa mga ginakueang.