Lucas 1:2 - Inkeanon

² Ro andang ginsueat hay kon ano ro ginsugid man kamon ku mga nangin manogwali ku mensahi it Dyos. Ro mga ginwali nanda hay ro andang hasaksihan nga mga ginhimo ni Jesus halin gid sa umpisa.

Lucas 1:2 Iomraidhean Croise

Marcos 1:1

Ro Mayad nga Balita hanungod kay Jesu-Kristo nga Unga it Dyos hay nag-umpisa tag natuman rato nga

Marcos 16:20

Umpisa kato hay nagpanaw ro mga sumueunod sa tanan nga lugar ag nagwali parti kay Ginuong Jesus. Ginbuligan nana sanda ag anang gintaw-an sanda it gahom nga makahimo it milagro, agod pamatud-an sa mga tawo nga minatuod ro andang ginawali.

Marcos 4:14

Ro kahueugan ku paanggid nga istorya parti sa binhi hay raya: ro binhi nga ginsab-og ku mangunguma hay ro mensahi it Dyos.

Lucas 24:48

Hakita ninyo ro mga butang ngara nga natabo ngani dapat kamong magpamatuod parti kara sa mga tawo.

Juan 15:27

Ag kamo man hay magasugid ku inyong hasaksihan kakon ay kaibahan ko eon kamo halin pa ku primero.”

Juan 16:4

Ginasugiran ko kamo kara agod pag-abot it oras hay hidumduman ninyo ro akong ginhambae.” “Owa ko ra eagi kinyo pagsugiran ku primero pa eang nga nagsunod kamo kakon, ay mabuhay pa man ro atong pag-ililiba.

Mga Binuhatan 1:3

Pagkapatay kana hay nabanhaw imaw ag nagpinakita imaw kanda sa sueod it 40 diyas ag sa sari-saring paagi hay ginpamatud-an nana nga buhi matuod imaw. Gintud-an man nana sanda parti sa paghari it Dyos sa anang mga sinakpan.

Mga Binuhatan 1:8

Pero ro inyo't-a nga dapat masayran hay makabaton kamo it gahom kon magkunsad eon kinyo ro Espirito Santo. Ag paagi sa anang gahom hay magapamatuod kamo parti kakon iya sa Jerusalem, sa tanan nga lugar iya sa probinsya it Judea, sa Samaria ag pati sa pinakamaeayo nga mga lugar sa kalibutan.”

Mga Binuhatan 14:25

Tag idto sanda sa Pamfilia hay nagwali sanda ku mensahi it Dyos sa Perga. Tapos, nagdiritso sanda sa Atalia.

Mga Binuhatan 16:6

Nagplano sanday Pablo nga magturo ku mensahi it Dyos sa mga kabanwahan sa probinsya it Asya pero ginpasayod kanda it Espirito Santo nga indi anay sanda mag-adto idto ku ratong tyempo. Ngani nag-agi lang sanda sa daean nga maeapit sa dueunan it mga probinsya it Frigia ag Galacia.

Mga Binuhatan 17:11

Ro mga tawo idto hay mas bukas ro andang paino-ino kaysa sa mga tagaTesalonica. Naila gid sanda it duro nga magpamati sa mensahi ag adlaw-adlaw hay ginausisa nanda ro Sagrado nga Kasueatan kon matuod gid ro ginahambae ni Pablo.

Mga Binuhatan 26:16

Bangon eon. Nagpakita ako kimo agod ibutang ka nga magserbi kakon, ag magpamatuod ku imong pagkakita kakon makaron, ag ku iba pang ipakita ko kimo sa ulihi.

Mga Binuhatan 4:20

Ro among mga hakita nga ginhimo ni Jesus, ag ro among mga habatian nga anang ginturo hay indi gid namon sarang mahipusan.”

Mga Binuhatan 8:4

Ro mga tumueuo nga nagtaeapeaag hay naglinibot ag nagwinali ku Mayad nga Balita parti kay Jesus.

Mga TagaRoma 15:16

Imaw ro nagpili kakon agod makaserbi ako kay Kristo Jesus sa akong pagwali ku Mayad nga Balita sa mga bukon it Judio. Ginahimo ko ra agod magatuo sanda kay Jesus ag pagkatapos, pareho it *saserdote hay ihaead ko sanda sa Dyos, ag batunon nana sanda dahil ginlimpyuhan eon sanda sa andang mga saea ag ginhimo nga balaan it Espirito Santo.

1 Corinto 4:1

Ro pagkabig dapat it tawo kamon hay mga sueuguon ni Kristo nga gintugyanan it Dyos ku mga kamatuuran nga anang ginlipod anay kato pero ginpahayag eon makaron.

Mga Hebreo 2:3

Kon makaruyon nga ginpinahan sanda dahil owa sanda nagpati sa ginsugid it mga anghel, paalin kita makalibre sa pina kon baliwalaon naton ro ginsugid it Ginuo parti sa kaeuwasan nga owa it katupong? Ro Ginuo mismo ro hauna nga nagsugid kara, ag ro mga nakabati kana hay nagpamatuod katon nga matuod ro mensahi ngaron.

1 Pedro 5:1

Dahil sa mga kalisdanan ngaron, may akon nga ginahambae kinyo nga mga nagadumaea sa mga tumueuo. Tungod manogdumaea man ako, ag saksi man ako sa pag-antos kato ni Kristo, ag isaea man sa mga makaambit sa anang kadungganan nga inogpahayag eon, ngani ginahinyo ko kamo nga

2 Pedro 1:16

Ro among ginsugid kinyo parti sa gahom ku atong Ginuo nga si Jesu-Kristo, ag sa anang pagbalik hay bukon it pareho sa mga sugilanon nga bukon it minatuod nga gintahi-tahi it mga mayad mag-obra karon. Matuod ron tanan tungod nasaksihan gid namon ro anang pagkagamhanan.