Lucas 1:19 - Inkeanon

¹⁹ Nagsabat ro anghel, “Ako si Gabriel ag una ako permi sa atubang it Dyos ag nagahueat ku anang sugo. Ginsugo ako it Dyos nga sugiran ka ku rayang balita.

Lucas 1:19 Iomraidhean Croise

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Lucas 1:20

Pero dahil owa ka nagapati sa akong ginsugid kimo, umpisa makaron hay indi ka gid makahambae pareho it buyon hasta indi matabo ro akong mga ginsugid kimo. Ag matuman gid ron pag-abot it oras.”

Lucas 1:26

Tag an-om nga buean eon ro pagnabdos ni Elisabet hay ginsugo it Dyos ro anghel nga si Gabriel nga mag-adto sa banwa it Nazaret nga sakop ku probinsya it Galilea.

Lucas 2:10

Pero naghambae ro anghel, “Ayaw kamo mahadlok. May akon nga mayad nga balita kinyo nga makapalipay gid sa tanan nga mga tawo.

Lucas 21:36

Magbantay gid kamo ag magpangamuyo permi nga may inyo nga kusog agod maeampuwasan ro tanan ngara nga matabo, ag makaatubang kamo kakon nga Unga it Tawo nga owa it pagkatahap kon maghukom eon ako.”

Mga Hebreo 4:14

Ngani padayon nga huptan gid naton ro bilog nga doktrina nga atong ginapatihan dahil may aton nga owa it katupong nga Pinakapinuno it mga Saserdote nga nakasueod sa pinakabalaan nga parti it eangit agod magrepresentar katon sa Dyos Ama. Ag imaw ra hay owa't iba kundi si Jesus nga Unga it Dyos.