Lucas 1:1 - Inkeanon

¹ Haeangdon nga Teofilus: Abo eon ro nagtinguha it pagsueat parti sa mga ginhimo ni Jesus riya kamon nga katumanan it mga ginsueat ku mga propeta kato anay parti kana.

Lucas 1:1 Iomraidhean Croise

Marcos 16:20

Umpisa kato hay nagpanaw ro mga sumueunod sa tanan nga lugar ag nagwali parti kay Ginuong Jesus. Ginbuligan nana sanda ag anang gintaw-an sanda it gahom nga makahimo it milagro, agod pamatud-an sa mga tawo nga minatuod ro andang ginawali.

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Mga TagaRoma 14:5

Kon parti man sa pagpahaega it mga inadlaw, ro iba hay may ginapahaegahan nga mga inadlaw pero sa iba ma't-a hay paeareho eang nga mahaega ro tanan nga adlaw. Dapat nga isipon ra it mayad it kada isaea hasta nga kumbinsido imaw kon ano ro tama kon kana imbis nga magsinunod-sunod sa hambae it iba.

Mga TagaRoma 4:21

Kumbinsido gid imaw nga masarangan it Dyos nga tumanon ro anang ginpromisa.

Mga TagaColosas 2:2

Ginatinguha ko gid nga makabulig kinyo agod magbaskog ro inyong buot ag agod maghiliugyon kamo nga may paghigugma sa kada isaea. Ag isaea pa hay agod maeubtan gid ninyo it mayad ag mangin kumbinsido gid kamo nga matuod ro mga bagay nga owa anay kato tanan ginpahayag it Dyos, ag ro mga ruyon ngaron hay parti kay Kristo.

Mga TagaColosas 4:12

Ginakumusta man kamo ni Epafras nga inyong kasimanwa. Nagaserbi man ron imaw kay Kristo Jesus ag grabi gid ro anang pagpinangamuyo para kinyo, agod maglig-on kamo ag owa it ikasaway sa inyong pagtuo ag sigurado gid ku tanan nga gusto it Dyos nga ipaobra kinyo.

1 Tesalonica 1:5

Hasayran namon ron tungod ro Mayad nga Balita nga amon nga ginwali kinyo hay bukon it puro eang hinambae kundi kaibahan kato ro gahom it Espirito Santo mawron nga nagpati kamo nga matuod gid rato. Nakasayod man kamo kon mauno ro among pagginawi tag inha pa kami agod buligan kamo.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

2 Timoteo 4:17

Pero sa gihapon hay gin-ibhan ako it Ginuo ag ginpaisog ro akong buot agod paagi kakon hay ikasugid ro bug-os nga mensahi parti kana, ag agod makabati karon ro tanan nga mga bukon it *Judio. Ag gineuwas nana ako sa mga gustong magpatay kakon.

Mga Hebreo 10:22

magpaeapit kita sa Dyos nga may sinsiro nga tagipusuon ag malig-on nga pagsalig ag pagtuo kana, ay ro atong tagipusuon hay pareho it ginwisikan it dugo ni Jesus, ag ro atong eawas hay pareho it ginhugasan eon it malimpyo nga tubi. Ngani malimpyo eo't-a ro atong konsensya.

Mga Hebreo 6:11

Bug-os ro inyong paino-ino sa inyong pagserbi ngaron sa iba ag gusto ko gid nga bug-os man ro inyong paino-ino sa inyong pagkasigurado parti sa mga ginpromisa it Dyos hasta sa adlaw nga inyong mabaton ron.