Juan 9:7 - Inkeanon

⁷ Tapos ginhambae nana ro eaki, “Adto sa bubon nga Siloam kon tawgon ag magpanghilam-os ka idto.” (Ro kahueugan it Siloam hay “ginpaadto.”) Ngani nagpanaw ro eaki ngato, nagpanghilam-os ag bumalik nga nakakita eo't-a.

Juan 9:7 Iomraidhean Croise

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Lucas 13:4

Hay tag 18 ngato nga ka tagaJerusalem nga natumbahan it tore idto sa Siloam ag nagkaeamatay? Kon kinyo, nagakahueugan man baea ra nga sanda ro pinakamakasasaea sa tanan nga nagaistar sa Jerusalem dahil sa natabo ngato kanda?

Lucas 2:32

Imaw hay pareho it kahayag nga magapaathag ku imong kamatuuran sa mga bukon it *Judio. Ag tungod kana, pagapadunggan kami nga imong mga katawhan nga mga inapo ni Israel.”

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 11:37

Pero ro iba kanda hay naghambae, “Hapamayad na ngani ro bulag. Hay ham-an it owa na hapugngi ro kamatayon ni Lazarus?”

Juan 9:11

Nagsabat imaw, “Tag rato nga tawo nga ginahingadlan kay Jesus hay nag-obra it eunang ag ana dayon rato nga ginpalhit sa akong mata. Tapos ginpaadto dayon nana ako sa Siloam ag ginpapanghilam-os. Nag-adto ako idto ag nagpanghilam-os ag nakakita eo't-ang dayon.”

Juan 9:39

Naghambae si Jesus, “Nag-adto ako iya sa kalibutan agod ipaeain ro mga nagatuo kakon sa mga owa nagatuo. Ro mga nagaako nga kueang ro andang pagkaeubot sa plano it Dyos hay buligan ko nga makaeubot. Pero ro mga owa nagaako nga kueang ro andang pagkaeubot karon hay mas kapin pa nga padueumon ko ro andang paino-ino agod indi sanda tapat makaeubot.”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga TagaRoma 8:3

Indi kita mangin matarong sa panueok it Dyos paagi sa pagtuman sa anang Kasuguan dahil mas pa ro atong kaila sa pagpakasaea kaysa sa atong kaila sa pagtuman sa Kasuguan. Pero ro indi mahimo sa pagtuman sa Kasuguan hay nahimo 't-a it Dyos tag ginpaadto nana ro ana mismong unga iya sa kalibutan. Nagpakatawo imaw ag may eawas ag kinaiya it tawo nga pareho katon. Anang ginhaead ro anang eawas bilang sakripisyo agod imaw ro pinahan por dahil katon nga mga makasasaea.

Mga TagaGalacia 4:4

Pero pag-abot it oras nga gintaeana it Dyos hay ginpaadto nana iya sa kalibutan ro anang unga. Tawo gid imaw tungod gin-unga imaw it isaeang ka bayi nga Judio, ag nagkabuhi imaw nga hasakpan ku andang Kasuguan.