Juan 9:5 - Inkeanon

⁵ Ako ro Iwag nga gatao it kahayag sa paino-ino it mga tawo iya sa kalibutan ag padayon ko sanda nga taw-an it kahayag samtang iya ako sa kalibutan.”

Juan 9:5 Iomraidhean Croise

Mateo 4:16

ro mga tawo sa mga lugar ngato hay matsa nagakabuhi sa kadueom pero may hakita eon sanda nga grabing kahayag. Owa sanda it pageaom dahil owa sanda it ibang dangaton kundi kamatayon, pero pareho man ku pagbutlak it adlaw sa agahon hay nahayagan man ro andang paino-ino.”

Mateo 5:14

“Kamo hay pareho man it iwag nga nagatao it kahayag sa mga tawo iya sa kalibutan agod makilaea nanda ro Dyos. Ag hikita gid kamo pareho it syudad nga gintukod sa ibabaw it bukid nga indi man matago.

Lucas 2:32

Imaw hay pareho it kahayag nga magapaathag ku imong kamatuuran sa mga bukon it *Judio. Ag tungod kana, pagapadunggan kami nga imong mga katawhan nga mga inapo ni Israel.”

Juan 12:46

Ako ro Iwag nga nag-adto iya sa kalibutan agod ro bisan sin-o nga nagatuo kakon hay indi eon magkabuhi sa kadueom.

Juan 8:12

Tapos, naghambae pa gid si Jesus sa mga tawo, “Ako ro Iwag nga nagatao it kahayag sa paino-ino it mga tawo iya sa kalibutan. Ro nagasunod kakon hay indi magkabuhi sa kadueom, kundi mahayagan imaw ku Iwag nga nagatao it minatuod nga kabuhi.”

Mga Binuhatan 13:47

Idto gid ma't-a kami ginsugua it Ginuong Dyos. Pareho ra sa anang ginhambae kato nga, ‘Ginbutang ko ikaw nga mangin iwag sa mga bukon it Judio agod maeuwas ro mga tawo sa bilog nga kalibutan.’ ”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga Binuhatan 26:23

Ag ro andang ginhambae hay dapat nga mag-antos ro Maneueuwas nga ginpromisa it Dyos, pagapatyon imaw ag imaw man ro hauna nga mabanhaw. Dahil mabanhaw imaw hay mahayagan ro paino-ino it mga tawo, Judio man o bukon, kon paalin sanda maeuwas.”

Mga TagaEfeso 5:14

ag ro tanan nga sa kahayag eon hay kahayag man sa iba. Mawron ngani nga may haeambaeunon nga, “Bugtaw, ikaw nga nagakatueog. Bangon, ikaw nga namatay. Hayagan ka dayon ni Kristo.”

Pahayag 21:23

Owa man gakinahangean it hayag it adlaw o buean ro syudad ngato dahil mahayag eon rato sa kahayag ku pagkadaeayawon it Dyos, ag ro Tiyo it Karnero ro pinakaiwag idto.