Juan 9:41 - Inkeanon

⁴¹ Nagsabat si Jesus, “Kon gaako eang kunta kamo nga kueang ro inyong pagkaeubot karon hay mahimo pa nga patawaron ro inyong mga saea. Ugaling sininyo abi hay nakaeubot kamo it husto ag indi eon kamo magpaturo, ngani indi gid pagpatawaron ro inyong mga saea.”

Juan 9:41 Iomraidhean Croise

Lucas 12:47

“Ro sueuguon nga nakasayod ku gusto ku anang amo, pero owa magpahaom o magtuman hay makasamit it grabi nga bakoe.

Lucas 18:14

Hambae ni Jesus, “Ginahambae ko kinyo nga pag-uli ku manogsukot hay imaw 't-a ro matarong eon sa mata it Dyos ag bukon it ratong Pariseo. Ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

Mga Hebreo 10:26

Kon nakasayod eon abi kita it kamatuuran parti sa pagsakripisyo ni Jesus ku anang kaugalingon ag hungod kita nga magbaliwala karon hay owa eon it ibang pangsakripisyo nga sarang ihaead agod mapatawad ro atong mga saea.

Santiago 4:17

Ngani tumana ninyo ro akong ginahambae ngara ay kon nasayran it tawo kon ano ro mayad nga dapat obrahon pero owa ra nana ginaobraha hay nagakasaea imaw.