Juan 9:39 - Inkeanon

³⁹ Naghambae si Jesus, “Nag-adto ako iya sa kalibutan agod ipaeain ro mga nagatuo kakon sa mga owa nagatuo. Ro mga nagaako nga kueang ro andang pagkaeubot sa plano it Dyos hay buligan ko nga makaeubot. Pero ro mga owa nagaako nga kueang ro andang pagkaeubot karon hay mas kapin pa nga padueumon ko ro andang paino-ino agod indi sanda tapat makaeubot.”

Juan 9:39 Iomraidhean Croise

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Mateo 15:14

Ngani ayaw ninyo sanda pag-inatuha, ay pareho ron sanda it bulag nga nagaguyod man it bulag. Ag kon bulag man ro nagaguyod sa isaea pa nga bulag hay pareho sanda nga mahueog sa kutkut.”

Mateo 6:23

Pero kon madueom ro imong panueok, apektado man ro imong bilog nga eawas. Ngani kon eaom mo hay nahayagan ro imong paino-ino pero sa minatuod hay nadueman gali, una gid sa grabi nga kadueom ro imong kahimtangan.

Lucas 1:79

Magatao imaw it kahayag sa mga tawo nga matsa nagakabuhi sa kadueom, ag owa it pageaom dahil owa sanda it ibang dangaton kundi kamatayon. Ag ana kita nga giyahan sa aton nga daean agod makapangabuhi kita nga may paghidait sa Dyos, ag may kalinong sa atong tagipusuon.”

Lucas 13:30

Pamati kamo. May mga haulihi nga mauna ag may mga hauna nga maulihi.”

Lucas 2:34

Ginbendisyunan dayon sanda ni Simeon. Ag ginhambaean pa nana si Maria nga nanay ku eapsag, “Pamatii it mayad ro akong ihambae ngara. Suno sa ginplano it Dyos kato pa, ro unga ngara hay mangin dahilan it kasamaran ag kaeuwasan it abo nga mga inapo ni Israel. Mangin tanda imaw nga magaturo it daean paadto sa Dyos pero abo ro indi kana magpati.

Lucas 4:18

“Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos. Ana ako nga ginpaadto iya agod ipahayag sa mga bihag nga puydi sandang mahilway ag sa mga bulag nga makakita sanda it uman ag sa mga matsa ginaeuok it kalisod nga puydi man sanda nga makatibawas.

Lucas 7:21

Ku pag-abot ngato ku mga ginsugo ni Juan hay abo ro ginapamayad ni Jesus nga mga masakiton, abo man nga mga maeain nga espirito ro anang ginasuboe sa eawas it mga tawo ag ana man nga ginapamayad ro mga bulag.

Juan 12:31

Makaron eon ro oras nga sintinsyahan ro tanan nga nagakuntra kakon. Makaron man ro oras nga perdihon eon ro manogdumaea ku tanan nga nagakuntra sa Dyos.

Juan 12:46

Ako ro Iwag nga nag-adto iya sa kalibutan agod ro bisan sin-o nga nagatuo kakon hay indi eon magkabuhi sa kadueom.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 3:19

“Ginsintinsyahan eo't-a sanda nga pinahan dahil tag nag-abot sa kalibutan ro ginatawag nga ro Iwag hay owa nanda rato pagpatihi, kundi mas ginpahaegahan pa nanda ro kadueom dahil maeain ro andang mga buhat.

Juan 8:12

Tapos, naghambae pa gid si Jesus sa mga tawo, “Ako ro Iwag nga nagatao it kahayag sa paino-ino it mga tawo iya sa kalibutan. Ro nagasunod kakon hay indi magkabuhi sa kadueom, kundi mahayagan imaw ku Iwag nga nagatao it minatuod nga kabuhi.”

Juan 8:15

Ro inyo nga paghusgar kakon hay nabase eang sa kon ano ro inyong makita. Ako't-a hay bukon it makaruyon kon maghusgar.

Juan 9:25

Nagsabat ro eaki, “Owa ako kasayod kon makasasaea imaw o bukon. Ro akon eang nga hasayran hay bulag anay ako pero makakita eon ako makaron.”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

2 Corinto 2:16

Sa mga rato nga ro ginapaeangpan hay pina sa impyerno, ro among hugom hay matsa ana it nagakaeunot nga patay nga eawas, pero sa mga ginaeuwas hay pareho kami it mahumot nga pahumot nga nagatao kanda it kabuhi nga owa it katapusan. Malisod ro among trabaho ay sin-o ro makapadayon sa pagwali kon ro tan-aw kimo ku mga nagapamati hay mabaho nga nagakaeunot nga patay nga eawas?

Mga TagaEfeso 5:14

ag ro tanan nga sa kahayag eon hay kahayag man sa iba. Mawron ngani nga may haeambaeunon nga, “Bugtaw, ikaw nga nagakatueog. Bangon, ikaw nga namatay. Hayagan ka dayon ni Kristo.”

2 Tesalonica 2:10

Ag gamiton nana ro tanan nga klasi it kaeainan sa pagpataeang sa mga tawo nga owa it ibang paeangpan kundi impyerno. Mahamueag ra sanda sa Dyos tungod indi nanda pagpahaegahan ro matuod nga mensahi nga makaeuwas kunta kanda.

1 Pedro 2:9

Pero kamo't-a hay natapoe sa katawhan it Dyos nga anang pinili ag ana nga ginabilang nga bag-o nga rasa. Mga harianon man kamo nga mga saserdote. Ginpaeain kamo nana agod mangin anang balaan nga rasa. Gintawag nana kamo nga talikdan ro kadueom it saea ag magpangabuhi sa anang makangawa-ngawa nga kahayag. Ag ro anang tuyo hay agod nga isugid ninyo permi sa iba ro anang grabi it nami nga mga ginhimo para kinyo.

1 Juan 2:11

Pero ro nagakaugot sa anang igmanghod hay nagakabuhi gihapon sa kadueom. Owa imaw kasayod kon ano ro tama ag mayad, pareho it tawo nga owa kasayod kon siin gapaadto ay indi imaw kakita tungod nadueman imaw.