Juan 9:35 - Inkeanon

³⁵ Pagkabati ni Jesus nga indi eon nanda pagpasudlon sa sinagoga ro eaki ngato hay ana ra nga gin-usoy. Pagkakita kana ni Jesus hay ginhambae ra nana, “Nagatuo ka baea sa Unga it Tawo?”

Juan 9:35 Iomraidhean Croise

Mateo 14:33

Nageuhod dayon ro anang mga sumueunod nga idto sa baroto ag ginsimba nanda imaw. Hambae nanda, “Ikaw gid matuod ro Unga it Dyos.”

Mateo 16:16

Nagsabat si Simon Pedro, “Ikaw ro Maneueuwas nga ginpromisa it Dyos. Ikaw ro Unga ku buhi nga Dyos.”

Mateo 4:3

Pagkatapos, nag-abot ro Panueay ag naghambae kana, “Dahil Unga ka it Dyos, sugua rondayang mga bato nga mangin tinapay.”

Marcos 1:1

Ro Mayad nga Balita hanungod kay Jesu-Kristo nga Unga it Dyos hay nag-umpisa tag natuman rato nga

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 1:34

Nakita ko gid ron ngani ginahambae ko kinyo nga imaw matuod ro Unga it Dyos.”

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 11:27

Nagsabat si Marta, “Huo, Ginuo, gapati gid ako nga ikaw ro Unga it Dyos, ro Maneueuwas nga ginpromisa it Dyos nga ipadaea iya sa kalibutan.”

Juan 20:28

Naghambae dayon si Tomas, “Ikaw ro akong Ginuo ag ro akong Dyos!”

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 3:36

Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 5:14

Ku ulihi, nakita ni Jesus ratong eaki sa Templo. Ginhambae dayon imaw ni Jesus, “Haron, mayad ka eon pero dapat ka eon nga maghinuesoe ag magtalikod sa imong mga saea. Dahil kon indi hay basi mas pa ro imong maagyan kaysa sa imong diperensya anay ngato.”

Juan 6:69

Ag kami't-a hay nagtuo kimo ag sigurado gid kami nga ikaw ro Balaan nga ginpadaea iya it Dyos.”

Juan 9:22

Duyon sinanda ay nahadlok sanda sa mga manogdumaea ngato tungod nagkaeasugot ro mga manogdumaea nga ro bisan sin-o nga magkilaea nga si Jesus ro Maneueuwas nga ginpromisa it Dyos hay indi eon pagpasudlon sa sinagoga.

Juan 9:34

Naghambae dayon ro mga Pariseo, “Matsa sin-o ka gid a! Halin pa ku pagbugtaw mo sa kalibutan hay nagapinakasaea ka eon, tapos imo pa kami nga tud-an?” Indi eon nanda imaw pagpasudlon sa sinagoga.

Mga Binuhatan 8:36

Sa andang pagbiyahe ngato, nakaabot sanda sa sangka lugar nga may tubi. Naghambae ro opisyal, “Hato, may tubi. Puydi eon baea ako nga bawtismuhan?”

Mga Binuhatan 8:37

[Nagsabat si Felipe, “Kon nagatuo ka it hugot sa imong tagipusuon, puydi ka mabawtismuhan.” Nagsabat ro opisyal, “Nagatuo ako nga si Jesu-Kristo hay Unga it Dyos.”]

Mga Binuhatan 9:20

Ag samtang idto imaw hay nagwinali't-a eagi imaw sa mga sinagoga nga si Jesus hay Unga it Dyos.

Mga TagaRoma 1:4

Kon parti ma't-a sa anang pagkaDyos hay gindiklara imaw nga Unga it Dyos nga makagagahom paagi sa pagbanhaw kana ku Espirito Santo. Imaw si Jesu-Kristo nga atong Ginuo.

Mga TagaRoma 10:20

Ag may ginpasueat pa gid ro Dyos kay Propeta Isaias nga mas prangka pa. Hambae nana, “Hakilaea ako ku mga owa nagausoy kakon. Ginpakilaea ko ro akong kaugalingon sa mga owa nagapangutana parti kakon.”

1 Juan 4:15

Ro nagapahayag nga si Jesus hay Unga it Dyos hay may padayon nga maeueot nga kaangtanan sa Dyos, ag ro Dyos man hay padayon nga maeueot kanda.

1 Juan 5:10

Ro nagapati nga si Jesu-Kristo hay Unga it Dyos hay makasiguro sa ana mismong kaugalingon nga ro anang ginapatihan hay matuod. Pero ro owa nagapati sa pamatuod nga ginahambae it Dyos nga Ama parti sa anang Unga hay ginaobra nana nga purilon ro Dyos.

1 Juan 5:13

Ginasueatan ko kamo kara nga nagatuo it hantop gid sa Unga it Dyos, ro dungganon nga Maneueuwas, agod makasiguro kamo nga may inyo nga kabuhi nga owa it katapusan,

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

1 Juan 5:5

Sin-o eang abi ro makaperdi sa kaeainan iya sa kalibutan? Owa it iba kundi ro nagatuo nga si Jesus hay Unga it Dyos.

3 Juan 1:10

Ngani kon mag-adto ako inha hay akon nga ihathat kinyo nga mga tumueuo ro mga maeain ag pinuril nga mga ginapanghambae nana parti kamon. Ag owa pa imaw makuntento sa anang gin-obra ngaron. Owa man nana ginapasakaa sa anang baeay ro atong mga igmanghod nga gaadto inha kinyo. Ginabawaean man nana ro mga tumueuo inha nga magpasaka kanda, ag ana nga ginasuboe sa grupo it mga tumueuo ro gusto nga magpasaka kanda.