Juan 9:34 - Inkeanon

³⁴ Naghambae dayon ro mga Pariseo, “Matsa sin-o ka gid a! Halin pa ku pagbugtaw mo sa kalibutan hay nagapinakasaea ka eon, tapos imo pa kami nga tud-an?” Indi eon nanda imaw pagpasudlon sa sinagoga.

Juan 9:34 Iomraidhean Croise

Lucas 11:45

May idto nga sangka maestro it Kasuguan nga nagsabat kay Jesus, “Maestro, ginainsulto mo't-a pati kami sa imo ngarong ginahinambae.”

Lucas 14:11

Dapat kamo nga mangin mapainubuson dahil ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

Lucas 18:17

Matuod rang ginahambae kinyo nga ro bisan sin-o nga owa nagabaton ku paghari it Dyos sa anang kabuhi pareho sa malipayon nga pagbaton ku mga unga hay indi matapoe sa mga sinakpan it Dyos.”

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 8:41

Ro inyong mga ginaobra hay pareho man sa mga ginaobra ku inyong ama.” Nagsabat sanda, “Bukon 't-a kami it mga bastardo. Ro Dyos eang ro among matuod nga Ama.”

Juan 9:2

Nagpangutana dayon kay Jesus ro anang mga sumueunod, “*Rabbi, sin-o ro nagkasaea mawron nga natawo nga bulag ro tawo ngara? Imaw baea o ro anang mga ginikanan?”

Juan 9:22

Duyon sinanda ay nahadlok sanda sa mga manogdumaea ngato tungod nagkaeasugot ro mga manogdumaea nga ro bisan sin-o nga magkilaea nga si Jesus ro Maneueuwas nga ginpromisa it Dyos hay indi eon pagpasudlon sa sinagoga.

Juan 9:35

Pagkabati ni Jesus nga indi eon nanda pagpasudlon sa sinagoga ro eaki ngato hay ana ra nga gin-usoy. Pagkakita kana ni Jesus hay ginhambae ra nana, “Nagatuo ka baea sa Unga it Tawo?”

Juan 9:40

May mga Pariseo idto ag habatian nanda ro ginhambae ngara ni Jesus ngani naghambae sanda, “Ano ring eaom, kueang ro among pagkaeubot sa plano it Dyos ay?”

Mga TagaGalacia 2:15

Kita hay mga Judio eagi pagkatawo naton ag eain kita sa mga rasa it tawo nga makasasaea nga owa nagakilaea sa Dyos.

Mga TagaEfeso 2:3

Kita tanan hay kaibahan man kato nanda ag pareho man kanda nga nagatuman eang ku atong makasasaea nga kinaiya. Ginasunod naton kon ano ro gusto ku aton nga eawas, ag kon ano ro iya sa atong paino-ino. Pareho man kita kanda, makasasaea man kita halin pa ku aton nga pagkatawo, ag pina it Dyos ro atong dangatan.

1 Pedro 5:5

Kamo ma't-a nga mga pamatan-on nga mga eaki, ro akon nga bilin kinyo hay magpasakop gid kamo sa mga manogdumaea inha kinyo. Ag kamo tanan inha hay dapat nga mapainubuson sa kada isaea ay nasueat sa Kasueatan nga, “Ro mga palabi-labihon hay ginakuntra it Dyos pero ro mga mapainubuson hay anang ginapakamaayo.”

3 Juan 1:10

Ngani kon mag-adto ako inha hay akon nga ihathat kinyo nga mga tumueuo ro mga maeain ag pinuril nga mga ginapanghambae nana parti kamon. Ag owa pa imaw makuntento sa anang gin-obra ngaron. Owa man nana ginapasakaa sa anang baeay ro atong mga igmanghod nga gaadto inha kinyo. Ginabawaean man nana ro mga tumueuo inha nga magpasaka kanda, ag ana nga ginasuboe sa grupo it mga tumueuo ro gusto nga magpasaka kanda.

3 Juan 1:9

Nagsueat eon ako kinyo nga mga tumueuo inha, pero owa ginatahura ni Diotrefes ro among pagdumaea. Gusto ma't-a abi nana hay imaw gid-a ro magdumaea.

Pahayag 13:17

Owa gid it makabakae o makabaligya man kon owa imaw it marka ku ngaean it primero nga sapat o ku numero nga nagasimbolo ku anang ngaean.