Juan 9:29 - Inkeanon

²⁹ Sayod kami nga halin sa Dyos ro mga ginhambae ni Moises, pero ro tawo ngaron hay owa namon masayri kon siin naghalin ro anang ginahambae.”

Juan 9:29 Iomraidhean Croise

Mateo 12:24

Pero pagkabati karon ku mga Pariseo hay naghueutikan sanda. Sinanda, “Makasuboe man lang ron it mga demonyo dahil sa gahom ni Beelzebul nga pinuno it mga demonyo.”

Mateo 26:61

Hambae nanda, “Naghambae ro tawo ngara nga waskon nana ro Templo it Dyos ag patindugon na man kuno it uman sa sueod it tatlong adlaw.”

Lucas 23:2

Pag-abot idto, gin-umpisahan nanda it pag-akusar si Jesus. Hambae nanda, “Haaktohan gid namon ro tawo ngara nga ginapataeang ro amon nga mga kadugo, ag ginabawaean sanda nga magbayad it buhis sa Emperador. Ana pa nga ginaako nga imaw hay isaeang ka hari, ro Maneueuwas nga ginpromisa it Dyos.”

Juan 1:17

Gintao it Dyos ro *Kasuguan paagi kay Moises pero paagi't-a kay Jesu-Kristo ginpakita it Dyos ro anang sobrang kabuot, ag ginpahayag ro kamatuuran parti sa kaeuwasan it tawo.

Juan 7:27

Ugaling basi bukon ma't-a it imaw ra ay sayod gid kita kon tagasiin ra imaw. Ro Maneueuwas 't-ana hay owa't kasayod kon siin imaw maghalin kon mag-abot eon imaw iya.”

Juan 7:28

Ngani ginbaskog dayon ni Jesus ro anang limog tag nagpadayon imaw sa anang pagturo sa Templo. Hambae nana, “Eaom ninyo hay kilaea ninyo ako ag kon tagasiin ako. Pero owa gid 't-a gali. Bukon it ako ro nagmato-mato nga mag-adto iya, kundi may una matuod nga nagpadaea kakon iya, ag owa ninyo imaw hakilaea.

Juan 8:14

Nagsabat si Jesus, “Bisan ako mismo ro nagapamatuod sa akong kaugalingon hay matuod ma't-a ro akong ginahambae tungod sayod ko kon siin ako naghalin ag kon siin ako gapaadto. Pero kamo't-a hay owa gid karon kasayod.

Juan 9:16

Ngani naghambae ro ibang Pariseo, “Ro nag-obra kara hay bukon it ginpadaea iya it Dyos, ay ginaeapas nana ro kasuguan parti sa Adlaw it Inogpahuway.” Pero ro iba ma't-a hay naghambae, “Huo ngani, pero makahimo baea ro makasasaea it mga milagrosong pamatuod nga makaraya?” Ngani owa sanda nagkaeasugot.

Juan 9:24

Ginpasueang it uman ku mga Pariseo rondatong eaki. Pag-abot nana hay ginhambae nanda imaw, “Pagsumpa sa Dyos nga gasugid ka it matuod, ay sayod namon nga ro nagpamayad kimo hay makasasaea.”

Juan 9:30

Nagsabat ro eaki, “Aba, ibang klasi't-a! Owa kamo kasayod kon siin naghalin ro anang ginahambae pero ana't-a nga ginpamayad ro akong mata!

Mga Binuhatan 22:22

Nagpinamati sanda kay Pablo pero tag ginsambit eon nana ro parti sa mga bukon it Judio hay naakig gid sanda. Nagsilinggit sanda, “Patyon imaw! Indi eon dapat mabuhi sa ibabaw it kalibutan ro makaruyon nga klasi it tawo!”

Mga Binuhatan 26:22

Halin pa kato hasta makaron hay ginabuligan ako permi it Dyos nga magpamatuod sa tanan nga tawo, dungganon man o kubos. Owa ako it ibang ginahambae kundi ro ginhambae man kato it mga propeta ag ni Moises nga matabo sa ulihi.

Mga Binuhatan 7:35

Naghambae pa gid si Esteban, “Kato anay, si Moises hay owa pagbatuna it anang mga kadugo. Ginhambaean imaw nanda nga, ‘Sin-o ka gid para magdikta ag maghusgar kamon!’ Pero imaw man mismo ro ginpabalik it Dyos kanda agod mangin anda nga pinuno ag maneueuwas, paagi sa bulig it anghel nga nagpakita kana sa kahoy-kahoy nga nagadabdab.

Mga Hebreo 1:1

Kato anay, kon may gusto ro Dyos nga ipasayod sa atong mga kalolo-lolohan hay ginapaabot nana rato kanda paagi sa mga propeta. Abo nga beses nga gin-obra na ron ag ro kada propeta hay naghambae ku mensahi it Dyos nga gusto nanang ipaabot sa ruyong tyempo.

Mga Hebreo 1:2

Pero sa rayang ulihing mga inadlaw ro Dyos hay nagpaabot katon ku anang gustong ipasayod paagi sa ana mismo nga Unga. Ro anang Unga man ro anang ginbutang nga magasakop ku tanan-tanan. Paagi man sa ana ngara nga unga hay gintuga it Dyos ro tanan-tanan sa kalibutan ag sa kaeangitan.