Juan 9:24 - Inkeanon

²⁴ Ginpasueang it uman ku mga Pariseo rondatong eaki. Pag-abot nana hay ginhambae nanda imaw, “Pagsumpa sa Dyos nga gasugid ka it matuod, ay sayod namon nga ro nagpamayad kimo hay makasasaea.”

Juan 9:24 Iomraidhean Croise

Marcos 15:27

May daywang ka buyong nga gineansang man kadungan ni Jesus. Ro krus ku isaea hay sa ay Jesus nga waea, ag ro ana ku sambilog hay sa ay Jesus nga tuo.

Lucas 15:2

Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.”

Lucas 19:7

Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”

Lucas 7:39

Pagkakita kara it Pariseo nga nagkangay kay Jesus, sinana sa anang paino-ino, “Kon matuod imaw ra nga propeta it Dyos hay hasayran eon kunta nana kon anong bayiha ro nagatinabing ngaron kana, ay makasasaea ro bayi ngaron!”

Juan 14:30

Indi eon ako makaistorya pa kinyo it maeawig tungod si Satanas nga manogdumaea it mga owa nagatuo sa Dyos hay gaabot eon. Owa ako it nahimo nga saea nga magamit nana agod magamhan ako.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 18:30

Nagsabat sanda, “Indi man namon imaw ra ipaatubang kimo kon bukon it maeain ro anang ginaobra.”

Juan 19:6

Pagkakita kana ku mga pinuno it mga saserdote ag ku mga gwardya it Templo hay nagsilinggit sanda, “Ieansang imaw sa krus! Ieansang imaw sa krus!” Pero ginsabat sanda ni Pilato, “Kamo't-a ro manabat kon ginapilit gid-a ninyo nga ieansang imaw sa krus, ay kon ako't-a hay owa ako it makita nga krimin nga anang gin-obra.”

Juan 5:23

Gin-obra nana ron agod ako nga Unga hay tahuron it tanan nga tawo, pareho ku andang pagtahod kana nga akong Ama. Ro owa nagatahod kakon nga Unga hay owa man nagatahod sa akong Ama nga nagpadaea kakon iya.”

Juan 8:46

Owa it bisan sambilog kinyo nga makapamatuod nga nagapinuril ako. Kon ro kamatuuran 't-a ro akon nga ginasugid, ham-an it indi kamo magpati kakon?

Juan 8:49

Pero nagsabat si Jesus, “Owa ako ginsudli it demonyo. Ginatahod ko ro akon nga Ama, pero owa ninyo ako ginatahura.

Juan 9:16

Ngani naghambae ro ibang Pariseo, “Ro nag-obra kara hay bukon it ginpadaea iya it Dyos, ay ginaeapas nana ro kasuguan parti sa Adlaw it Inogpahuway.” Pero ro iba ma't-a hay naghambae, “Huo ngani, pero makahimo baea ro makasasaea it mga milagrosong pamatuod nga makaraya?” Ngani owa sanda nagkaeasugot.

Juan 9:25

Nagsabat ro eaki, “Owa ako kasayod kon makasasaea imaw o bukon. Ro akon eang nga hasayran hay bulag anay ako pero makakita eon ako makaron.”

Mga TagaRoma 8:3

Indi kita mangin matarong sa panueok it Dyos paagi sa pagtuman sa anang Kasuguan dahil mas pa ro atong kaila sa pagpakasaea kaysa sa atong kaila sa pagtuman sa Kasuguan. Pero ro indi mahimo sa pagtuman sa Kasuguan hay nahimo 't-a it Dyos tag ginpaadto nana ro ana mismong unga iya sa kalibutan. Nagpakatawo imaw ag may eawas ag kinaiya it tawo nga pareho katon. Anang ginhaead ro anang eawas bilang sakripisyo agod imaw ro pinahan por dahil katon nga mga makasasaea.

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

Pahayag 11:13

Sa rato man nga oras hay naglinog it kabaskog ag ro ikanapueo nga parti it syudad hay nawasak ag may namatay nga 7,000 nga ka tawo. Hinadlukan gid it duro ro mga habilin nga buhi ag gindayaw nanda ro gamhanan nga Dyos nga nagadumaea halin sa eangit.