Juan 9:22 - Inkeanon

²² Duyon sinanda ay nahadlok sanda sa mga manogdumaea ngato tungod nagkaeasugot ro mga manogdumaea nga ro bisan sin-o nga magkilaea nga si Jesus ro Maneueuwas nga ginpromisa it Dyos hay indi eon pagpasudlon sa sinagoga.

Juan 9:22 Iomraidhean Croise

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 19:38

May sangka tawo nga si Jose ro ngaean nga tagaArimatea. Sumueunod imaw ra ni Jesus pero gintago eang nana, ay nahadlok imaw nga hisayran it mga manogdumaea it mga Judio. Pero pagkamatay ni Jesus hay nag-adto imaw kay Pilato ag ginhinyo nga bue-on nana ro eawas ni Jesus sa krus. Ginsugtan ma't-a imaw ni Pilato, ngani nag-adto imaw idto ag ginbuoe nana ro eawas ni Jesus.

Juan 20:19

Pagkagabii ku ruyon nga Dominggo, ro mga sumueunod ni Jesus hay nagpanarangka sa baeay nga andang ginatipunan, ay nahadlok sanda sa mga manogdumaea it mga Judio. Gulpi eang nga nag-abot si Jesus ag nagtindog sa andang atubang. Ginhambae nana sanda, “Patawhaya ro inyong paino-ino.”

Juan 7:13

Pero owa man nanda ginabaskuga ro andang istorya ay nahadlok sanda nga mabatian ku andang mga manogdumaea.

Juan 9:18

Pero ro mga manogdumaea ngato it mga Judio hay indi magpati nga bulag anay ro tawo ngato ag makakita eon. Ngani andang ginpasueang ro anang mga ginikanan.

Juan 9:21

Pero kon parti sa anang pagmayad hay owa kami kasayod kon ano ro natabo kana ag kon sin-o ro nagpamayad kana. Imaw lang ro kutan-a ninyo ay may buot eon don ag kaantiguhan eon don magsabat.”

Juan 9:34

Naghambae dayon ro mga Pariseo, “Matsa sin-o ka gid a! Halin pa ku pagbugtaw mo sa kalibutan hay nagapinakasaea ka eon, tapos imo pa kami nga tud-an?” Indi eon nanda imaw pagpasudlon sa sinagoga.

Juan 9:35

Pagkabati ni Jesus nga indi eon nanda pagpasudlon sa sinagoga ro eaki ngato hay ana ra nga gin-usoy. Pagkakita kana ni Jesus hay ginhambae ra nana, “Nagatuo ka baea sa Unga it Tawo?”

Mga Binuhatan 4:18

Ngani ginpasueod nanda it uman sanday Pedro ag ginpaandaman nga indi eon gid maghambae o magturo parti kay Jesus.

Mga Binuhatan 5:13

Ro mga bukon pa it tumueuo hay owa gid nagapasamang-samang nga mag-impon kanda kon gatipon sanda idto pero ginataha gid nanda ro mga tumueuo.

Mga Binuhatan 5:40

Ginpabalik dayon nanda ro mga apostoles sa sueod pero ginpalatigo nanda ag ginpaandaman nga indi eon maghambae parti kay Jesus. Pagkatapos hay ginbuhian man nanda.

Pahayag 21:8

Pero ro mga mataeaw nga nagtalikod sa andang pagtuo dahil sa kahadlok nga magkalisod, ro mga indi magtuo, ro mga nagahimo it makangingil-ad, ro mga manogpatay, ro mga nagahulid sa bukon nanda it asawa, ro mga nagapangbarang, ro mga nagasimba sa mga diyos-diyos ag ro tanan nga mga purilon hay itapoe sa mga pinahan sa eawod nga nagadaba-daba ay may asupre rato nga nagakaeayo. Ruyon ro ginatawag nga ikaywa nga kamatayon.”