Juan 9:18 - Inkeanon

¹⁸ Pero ro mga manogdumaea ngato it mga Judio hay indi magpati nga bulag anay ro tawo ngato ag makakita eon. Ngani andang ginpasueang ro anang mga ginikanan.

Juan 9:18 Iomraidhean Croise

Lucas 16:31

Nagsabat kana si Abraham, ‘Kon indi sanda magpati sa ginsueat ni Moises ag ku mga propeta hay indi man sanda makumbinsi bisan may nabanhaw pa nga mag-adto kanda.’ ”

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 5:44

Paalin 't-a abi kamo magtuo kakon kon ro inyo eang nga ginahangad hay ro pagdayaw it kada isaea, ag owa gid kamo gahangad ku pagdayaw it owa't kapareho nga Dyos?

Juan 9:19

Pag-abot ku mga ginikanan, ginpangutana dayon sanda, “Inyong unga ra? Matuod gid baea nga bulag eagi imaw pagkatawo nana? Ham-an it nakakita eon imaw?”

Juan 9:22

Duyon sinanda ay nahadlok sanda sa mga manogdumaea ngato tungod nagkaeasugot ro mga manogdumaea nga ro bisan sin-o nga magkilaea nga si Jesus ro Maneueuwas nga ginpromisa it Dyos hay indi eon pagpasudlon sa sinagoga.

Mga Hebreo 4:11

Ngani tinguhaan ta gid nga masamitan raya nga kapahuwayan. Indi kita magtuead sa mga kalolo-lolohan naton nga owa magtuman sa Dyos ngani owa sanda kasamit ku ratong kapahuwayan nga ana kunta nga itao kanda.