Juan 9:16 - Inkeanon

¹⁶ Ngani naghambae ro ibang Pariseo, “Ro nag-obra kara hay bukon it ginpadaea iya it Dyos, ay ginaeapas nana ro kasuguan parti sa Adlaw it Inogpahuway.” Pero ro iba ma't-a hay naghambae, “Huo ngani, pero makahimo baea ro makasasaea it mga milagrosong pamatuod nga makaraya?” Ngani owa sanda nagkaeasugot.

Juan 9:16 Iomraidhean Croise

Mateo 12:10

May idto nga tawo nga kimpay ro anang alima. May mga Pariseo man idto nga nagausoy it sil-an nga ikaakusar si Jesus. Ngani ginpangutana nanda imaw, “Puydi baea sa atong Kasuguan ro magpamayad it masakiton kon Adlaw it Inogpahuway?”

Mateo 12:2

Pero may idto nga mga Pariseo nga nakakita kanda ag ginhambaean nanda si Jesus, “Tan-awa tuo ring mga sumueunod. Nagaobra't-a sanda it bawae sa Adlaw it Inogpahuway.”

Lucas 13:14

Ugaling hay naugot ro manogdumaea it ratong sinagoga ay nagpamayad si Jesus it masakiton sa Adlaw it Inogpahuway. Naghambae imaw sa mga tawo, “May an-om nga adlaw nga inogtrabaho, ngani dikato kunta kamo mag-adto iya agod magpabueong, bukon it sa Adlaw it Inogpahuway.”

Juan 10:19

Pagkabati ku mga manogdumaea it mga Judio sa mga ginhambae ngaron ni Jesus hay owa sanda magkaeasugot parti kana.

Juan 14:11

Patihi ninyo nga ako ag ro akong Ama hay sambilog eang. Pero kon indi kamo magpati karon dahil hambae ko manlang, patihi ron ninyo dahil sa mga makangawa-ngawa mismong mga butang nga akong ginaobra.

Juan 15:24

Ag kon owa ako nag-obra sa anda mismo nga atubang it mga makangawa-ngawa nga owa it bisan sin-o nga makahimo mageuwas kakon hay owa sanda it saeabton sa andang saea nga owa sanda nagtuo kakon. Pero makaron nga hakita eon nanda ro akong mga gin-obra hay ginakaugtan gihapon nanda kami ku akon nga Ama.

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 5:10

ngani ginbuslahan ku mga manogdumaea it mga Judio ro eaki ngato nga nagmayad. Hambae nanda, “Hoy! Adlaw it Inogpahuway makaron! Eapas sa atong mga kasuguan ro imong pagbitbit ku ing eugban ngaron!”

Juan 5:36

Pero may pagpamatuod parti kakon nga mas pa sa pagpamatuod ngato ni Juan. Ruyon hay ro akong mga ginahimo nga ginpaobra kakon ku akong Ama, nga dapat ko nga tapuson. Nagapamatuod ron sanda nga ro Ama gid ro nagpadaea iya kakon.

Juan 6:52

Pagkabati kara ku mga Judio hay nagbinais sanda ag nagpaeangutan-an, “Paalin ikatao ku tawo ngara ro anang eawas agod atong kan-on?”

Juan 7:12

Ro mga tawo ma't-a nga nagtililipon sa Jerusalem hay nagabinais parti kay Jesus. May mga gahambae, “Mayad ma't-a imaw nga tawo a.” Pero ro iba ma't-a hay gahambae, “Mayad gali ruyon nga ginapataeang 't-a nana ro mga tawo!”

Juan 7:23

Kon gatuli kamo bisan hanuon pa sa Adlaw it Inogpahuway agod tumanon eang ro kasuguan it Dyos nga ginsueat ni Moises, ham-an it naakig kamo kakon, ay bukon eang ngani it sang parti it eawas ro akong ginpamayad kundi ro bilog nga eawas ku ratong tawo sa Adlaw it Inogpahuway?

Juan 7:43

Sari-sari ro ginahambae ku mga tawo kon sin-o si Jesus ngani owa sanda nagkaeasugot.

Juan 9:24

Ginpasueang it uman ku mga Pariseo rondatong eaki. Pag-abot nana hay ginhambae nanda imaw, “Pagsumpa sa Dyos nga gasugid ka it matuod, ay sayod namon nga ro nagpamayad kimo hay makasasaea.”

Mga Binuhatan 14:4

Bisan makarato ro natabo, ro mga tawo sa syudad hay naggrupo-grupo. Ro iba hay apin sa mga Judio nga indi magtuo ag ro iba ma't-a hay apin sa mga apostoles.