Juan 8:6 - Inkeanon

⁶ Anda man lang kara nga ginadakop-dakop si Jesus agod may anda dayon nga ikaakusar kana. Pero nagdungok eang si Jesus ag nagsueat ku anang tudlo sa eapok.

Juan 8:6 Iomraidhean Croise

Mateo 10:16

Naghambae pa gid si Jesus sa anang mga sumueunod, “Tandai ninyo nga ginapaadto ko kamo sa mapintas nga mga tawo, ag ro inyong kapareho hay mga karnero nga ginalibutan it abo nga mabangis nga sapat. Ngani mangin parehas kamo it sawa nga mainandamon permi sa peligro, ag likawi ro bisan ano nga maeain.

Mateo 15:23

Pero owa gid imaw pagsabta ni Jesus. Nagpaeapit ro ay Jesus nga mga sumueunod kana ag naghambae, “Papanawa eon abi imaw ron. Nagaisturbo imaw katon ay nagasinunod imaw ag magsininggit.”

Mateo 16:1

Owa mabuhayi, may nag-adto nga mga Pariseo ag *Saduceo kay Jesus. Gusto nanda imaw nga testingan ngani ginapaobra kunta nanda imaw it milagro sa kaeangitan bilang pamatuod nga pinadaea imaw it Dyos.

Mateo 19:3

May mga Pariseo man nga nag-adto idto kay Jesus agod basi may ikaakusar sanda kana sa anang isabat. Nagpangutana sanda, “puydi baea nga bueagan it eaki ro anang asawa sa bisan ano eang nga rason?”

Mateo 22:18

Pero sayod gid ni Jesus nga maeain ro andang tuyo. Hinambae nana sanda, “Mga ipokrito! Ham-an it ginadakop-dakop ninyo ako?

Mateo 22:35

Ro sambilog kanda nga isaeang ka maaeam nga maestro it Kasuguan hay nagpangutana kay Jesus agod dakpon-dakpon imaw sa anang sabat. Hambae ku maestro ngato,

Mateo 26:63

Pero naghinipos eang si Jesus. Ginhambae eon man imaw ku pinakapinuno nga saserdote, “Magsumpa ka sa ngaean it buhi nga Dyos nga magasugid ka it matuod kon ikaw ro Unga it Dyos, ro Maneueuwas nga anang ginpromisa.”

Marcos 10:2

May idto man nga mga Pariseo nga nagpaeapit kay Jesus ag nagpangutana sanda kana, agod basi may ikaakusar sanda kana sa anang isabat. Sinanda, “Puydi baea nga bueagan ku eaki ro anang asawa?”

Marcos 12:15

Pero sayod gid ni Jesus nga nagapakuno-kuno eang sanda, ngani naghambae imaw, “Ham-an it ginadakop-dakop ninyo ako? Ambi ngani it sang denaryo ay tan-awon ko.”

Marcos 3:2

May mga Pariseo man idto ag ginabantayan nanda kon pamayron ni Jesus ro tawo ngato sa Adlaw it Inogpahuway agod may anda dayon nga ikaakusar kana.

Marcos 8:11

Pag-abot idto ni Jesus hay gin-adtunan imaw it mga Pariseo ag nakigbais kana. Gusto nanda imaw nga testingan ngani ginapaobra kunta nanda imaw it milagro sa kaeangitan, bilang pamatuod nga pinadaea imaw it Dyos.

Lucas 10:25

Isaeang adlaw, may sangka maestro it Kasuguan nga gusto kunta nga testingan si Jesus. Nagtindog imaw ag nagpangutana kay Jesus. Hambae nana, “Maestro, ano ro akong obrahon agod makabaton it kabuhi nga owa it katapusan?”

Lucas 11:16

Gusto ku iba kanda nga testingan si Jesus ngani ginapaobra kunta nanda imaw it milagro sa kaeangitan bilang pamatuod nga pinadaea imaw it Dyos.

Juan 8:2

Pagkaaga-aga hay nagbalik imaw sa *lagwirta it Templo. Tag idto eon imaw hay gintueumpukan imaw it mga tawo, ngani nagpungko imaw ag gintinud-an sanda.

1 Corinto 10:9

Indi man dapat naton pagtestingan ro pasensya ni Kristo kon man-o it haba pareho ku ginhimo ku iba kanda mawron nga nagkaeamatay sanda sa pangot it dalitan nga sawa.