Juan 8:56 - Inkeanon

⁵⁶ Kato anay, ro inyong lolo nga si Abraham hay nagkalipay tungod anang ginapaabot nga makita nana ro akong pag-abot riya. Ag hakita ron nana mawron nga nalipay gid imaw it duro.”

Juan 8:56 Iomraidhean Croise

Mateo 13:17

Matuod rang ginahambae kinyo nga abo nga mga propeta it Dyos ag mga matarong nga tawo kato anay hay naghandom nga hikita ag hibatian ro inyong mga hakita ag habatian, pero owa gid nanda ron hakit-i ag habatii.”

Lucas 10:24

Ginahambae ko kinyo nga abo nga mga propeta it Dyos ag mga hari kato anay ro naghandom nga hikita ag hibatian ro inyong mga hakita ag habatian, pero owa gid ron nanda hakit-i ag habatii.”

Juan 10:25

Nagsabat si Jesus, “Ginsugiran ko eon ngani kamo pero indi ma't-a kamo magpati kakon. Ro akong mga ginahimo nga makangawa-ngawa sa ngaean ku akong Ama hay ruyon ro gapakilaea kon sin-o gid matuod ako.

Juan 8:37

Sayod ako nga mga inapo kamo ni Abraham, pero gusto gihapon ninyo ako nga patyon, ay owa gid-a ninyo gintanom sa inyong paino-ino ro akong ginahambae.

Juan 8:39

Nagsabat sanda, “Si Abraham ro amon nga ama.” Pero naghambae si Jesus, “Kon mga inapo matuod kamo ni Abraham, ro inyo kunta nga ginaobra hay pareho sa anang mga gin-obra.

Mga Hebreo 11:13

Hasta namatay sanday Abraham, Sara, Isaac, ag Jacob hay nagtuo sanda nga tumanon it Dyos ro anang ginpromisa bisan owa nanda rato habaton. Pero matsa hakita eon nanda ro tyempo sa ulihi nga mabaton ku andang mga inapo ro katumanan ku ratong promisa ag nalipay sanda karon. Ginkilaea nanda nga mga estranghero eang ag mga umaeagi sanda sa rayang kalibutan.

Mga Hebreo 11:39

Nalipay kanda tanan ro Dyos dahil nagpadayon sanda nga malig-on ro andang pagtuo bisan owa nanda habaton ro ginpromisa nana.