Juan 8:54 - Inkeanon

⁵⁴ Nagsabat si Jesus, “Kon dayawon ko ro akong kaugalingon, owa ron it pueos. Ro akon nga Ama nga ginahambae ninyo nga inyong Dyos hay imaw ro nagadayaw kakon.

Juan 8:54 Iomraidhean Croise

Juan 17:1

Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 5:41

“Owa ako nagahangad nga dayawon it mga tawo nga parehas kinyo.

Juan 7:18

Ro nagahambae it ana-ana eang hay nagapadayaw-dayaw. Pero ro gusto nga ro nagpadaea kana ro dayawon hay ruyon 't-a ro gahambae it matuod ag owa gapataeang it mga tawo.

Juan 7:39

Raya nga ginhambae ni Jesus hay napatungod sa Espirito Santo nga madali lang mabaton ku mga nagtuo kana. Owa pa nanda mabaton ro Espirito tungod owa pa si Jesus hapadunggi.

Juan 8:41

Ro inyong mga ginaobra hay pareho man sa mga ginaobra ku inyong ama.” Nagsabat sanda, “Bukon 't-a kami it mga bastardo. Ro Dyos eang ro among matuod nga Ama.”

Juan 8:50

Ugaling hay owa ma't-a ako gahangad nga dayawon. Pero may una't-a nga gusto nga dayawon ako, ag imaw 't-a ro magahusgar sa mga owa nagatahod kakon.

Mga Binuhatan 3:13

Ro Dyos nga ginasinimba ni *Abraham, ni Isaac, ni Jacob ag ku iba pa natong kalolo-lolohan ro naghimo kara, ag paagi kara hay ginpadunggan nana ro anang sueuguon nga si Jesus. Rondatong inyong ginpadakop ag ginpaatubang kay Pilato nga ana kunta nga ginabuhian ugaling owa gid kamo magsugot. Mas ginpaeabi pa ninyo nga pabuhian tag sambilog ngato nga tawo.

2 Corinto 10:18

Ro ginaaprubahan abi it Dyos hay bukon it rondatong nagadayaw ku anang kaugalingon kundi rondatong ginadayaw it Dyos.

1 Pedro 1:12

Ginpahayag dayon kanda it Dyos nga ro andang ginahambae hay bukon it para sa andang kamaeayran sa ratong tyempo kundi para't-a sa inyong kamaeayran sa makarong tyempo. Ro ginasugid kinyo makaron ku mga manogturo it Mayad nga Balita sa bulig kanda it Espirito Santo nga ginpaadto it Dyos halin sa eangit hay katumanan ku mga ginhambae ngato ku mga propeta. Bisan ngani ro mga anghel hay naila man nga maeubtan gid it mayad ro mga bagay ngaron.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.

2 Pedro 1:17

Ginpadunggan abi imaw ag gindayaw ku Dyos nga Ama nga may pagkadaeayawon nga owa it katupong paghambae nana, “Unga ko gid-a raya ngara nga palangga ko gid-a. Nalipay gid ako kana.”