Juan 8:48 - Inkeanon

⁴⁸ Naghambae dayon ro mga Judio ngato kay Jesus, “Tama gid-a ro amon nga hambae nga pareho ka sa makangingil-ad nga Samaritanhon ag ginagamhan ka pa it demonyo!”

Juan 8:48 Iomraidhean Croise

Mateo 10:25

Ngani dapat nga malipay ro sumueunod kon maltratuhon imaw pareho ku pagmaltrato sa anang manogturo. Imaw man sa ulipon. Dapat imaw malipay kon maltratuhon imaw pareho ku pagmaltrato sa anang amo. Kon ako ngani nga ueo it panimaeay hay gintawag ku mga tawo nga si Beelzebul, kamo man nga mga myembro it panimaeay hay sigurado nga pakalisdon nanda.”

Mateo 10:5

Sandang dose hay ginpapanaw ni Jesus ag ginbilinan, “Panaw kamo pero ayaw kamo it adto sa mga lugar nga ginaistaran it bukon it aton nga mga kadugo, ag sa mga banwa nga ginaistaran it mga *Samaritano,

Mateo 11:18

Ro mga tawo makarong tyempo hay pareho gid-a ku mga unga ngaron nga artihan. Ham-an abi? Tungod si Juan nga Manogbawtismo hay gapuasa ag owa gainom it bino, pero sinanda ku mga tawo hay ginsudlan imaw it demonyo.

Mateo 12:24

Pero pagkabati karon ku mga Pariseo hay naghueutikan sanda. Sinanda, “Makasuboe man lang ron it mga demonyo dahil sa gahom ni Beelzebul nga pinuno it mga demonyo.”

Mateo 12:31

Ngani ginahambae ko eagi kinyo nga mapatawad it Dyos ro mga tawo sa tanan nandang mga saea ag pag-insulto sa ibang tawo pero ro nagainsulto sa Espirito Santo hay indi pagpatawaron.

Mateo 15:7

Mga ipokrito gid-a kamo! Tama gid ro hambae ni Propeta Isaias parti kinyo kato anay nga,

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 10:20

Abo kanda ro nagahambae, “Kaumangon ron imaw ay ginsudlan imaw it demonyo. Ham-an it nagapinamati't-a kamo sa anang ginahinambae karon?”

Juan 13:13

Ginatawag ninyo ako nga Maestro ag Ginuo, ag tama gid ma't-a nga tawgon ninyo ako it makaruyon, ay duyon gid ma't-ang.

Juan 4:9

Hakibot ro bayi sa ginhambae ni Jesus ngani sinana ku bayi, “Ha? Judio ka't-ing, tapos mangayo ka it tubi kakon nga Samaritanhon, ag bayi pa!” (Ruyon sinana ku bayi ay indi maggamit ro mga Judio ku ilimnan o kaean-an nga hagamit eon ku mga Samaritanhon.)

Juan 7:20

Nagsabat ro mga tawo, “Ginsudlan ka siguro it demonyo mawron nga gapinaumang ka't-ing! Sin-o ro nagaideya nga patyon ka?”

Juan 8:22

Naghambae dayon ro mga manogdumaea it mga Judio sa kada isaea, “Ham-an it gahambae imaw nga indi kita makaadto sa anang adtunan? Hay pa manghugot 't-a ra imaw ay?”

Juan 8:52

Naghambae sanda, “Sigurado eon gid kami nga ginsudlan ka it demonyo ay si Abraham ag ro mga propeta hay nagkaeamatay eon kato pa. Ham-an it gahambae ka nga ro nagapati ag nagatuman sa imong ginahambae hay indi makaagi it kamatayon bisan hasta hin-uno?

Mga TagaRoma 15:3

Bisan ngani si Kristo hay owa eang nag-obra ku anang nailaan nga obrahon kundi haom imaw nga magtiis sa pagtuman ku kabubut-on it Dyos. Pareho sa nasueat sa Sagrado nga Kasueatan nga, “Ako ro haukpan ku mga pag-insulto it mga tawo kimo.”

Mga Hebreo 13:13

Ngani dapat nga talikdan eon naton ro sistema it pagsakripisyo it mga sapat ag iba pang mga ritwal sa atong dating relihiyon, ag magtuo ag magsalig kita kay Jesus eang. Ag dapat haom kita nga mag-antos it mga pagtuya-tuya it tawo katon, pareho sa anang haagyan.

Santiago 2:19

Eaom mo hay may pagtuo ka dahil nagapati ka nga may sambilog eang nga Dyos. Matuod nga may sambilog eang nga Dyos ugaling ro pagpati eang karon hay kueang ay bisan ngani ro mga demonyo hay nagapati man karon ag nagapaeangurog pa sa kahadlok sa pina nana kanda sa ulihi.