Juan 8:39 - Inkeanon

³⁹ Nagsabat sanda, “Si Abraham ro amon nga ama.” Pero naghambae si Jesus, “Kon mga inapo matuod kamo ni Abraham, ro inyo kunta nga ginaobra hay pareho sa anang mga gin-obra.

Juan 8:39 Iomraidhean Croise

Mateo 3:9

Ag ayaw kamo magsalig nga tungod mga inapo kamo ni Abraham hay makalibre kamo sa pina it Dyos. Ginahambae ko kinyo nga ro Dyos hay makahimo it inapo ni Abraham halin sa rayang mga bato iya.

Mateo 5:45

Kon himuon ninyo ron hay gapakilaea nga mga unga gid kamo ku inyong Ama sa eangit. Ana nga ginapasilak ro adlaw sa tanan nga tawo, mayad man o maeain. Ag ana man nga ginatao ro uean sa mga nagahimo it matarong ag sa mga owa nagahimo it matarong.

Juan 8:33

Nagsabat kana ro mga Judio, “Mga inapo kami ni *Abraham ag halin pa kato hay owa kami haulipon bisan nanyo. Ano ro imong buot hambaeon sa imong ginahambae nga mahilway kami?”

Juan 8:37

Sayod ako nga mga inapo kamo ni Abraham, pero gusto gihapon ninyo ako nga patyon, ay owa gid-a ninyo gintanom sa inyong paino-ino ro akong ginahambae.

Juan 8:43

Ham-an abi it indi kamo kaeubot sa akong ginahambae? Tungod indi kamo katakod magpamati sa akong mga ginahambae!

Juan 8:56

Kato anay, ro inyong lolo nga si Abraham hay nagkalipay tungod anang ginapaabot nga makita nana ro akong pag-abot riya. Ag hakita ron nana mawron nga nalipay gid imaw it duro.”

Mga TagaRoma 4:12

Ama man imaw ku mga Judio nga owa eang hatuli kundi nagatuo pa gid sa Dyos sa adlaw-adlaw nandang pagpangabuhi pareho sa atong ama nga si Abraham bisan owa pa imaw hatuli.

Mga TagaRoma 4:16

Ngani ro atong pagtuo sa Dyos ro rason nga mabaton naton ro anang ginpromisa agod makita nga ro anang sobrang kabuot ro ginhalinan karon. Sigurado gid nga mabaton ro ginpromisa it Dyos ku tanan nga mga inapo ni Abraham. Bukon ra it mga Judio nga nagatuman eang sa kasuguan it Dyos, kundi ro tanan, Judio man o bukon, nga nagatuo man sa Dyos pareho kay Abraham nga ama naton tanan.

Mga TagaRoma 9:7

Ag bukon man it dahil mga inapo sanda ni Abraham hay makabaton eo't-a sanda ku ginpromisa it Dyos kana. Naghambae abi ro Dyos kay Abraham, “Ro mga inapo eang ku imong unga nga si Isaac ro makabaton ku mga ginpromisa ko kimo.”

Mga TagaGalacia 3:29

Ngani kon may kaangtanan eon kamo kay Kristo hay ginabilang eon kamo nga mga inapo ni Abraham ag mabaton man ninyo ro ginpromisa it Dyos kana.

Mga TagaGalacia 3:7

Ngani dapat ninyo nga maeubtan nga ro mga nagatuo sa Dyos pareho kay Abraham hay ginakabig man nga mga inapo ni Abraham.