Juan 8:38 - Inkeanon

³⁸ Ginahambae ko kon ano ro akon nga hakita tag idto ako sa akon nga Ama, ag kamo ma't-a, ro inyong ginatuman hay kon ano ro inyong habatian sa inyong ama.”

Juan 8:38 Iomraidhean Croise

Mateo 3:7

Abo man nga mga *Pariseo ag mga *Saduceo ro nag-adto kay Juan agod magpabawtismo. Pagkakita kanda ni Juan hay ginhambaean nana sanda, “Mga tuso gid-a kamo pareho it sawa! Eaom baea ninyo hay makalikaw kamo sa pina it Dyos paagi sa inyong pagpabawtismo?

Juan 14:10

Owa ka pa baea gapati nga ako ag ro akong Ama hay may maeueot gid nga kaangtanan nga matsa sambilog eang kami? Ro mga ginasugid ko kinyo hay bukon it akon-akon eang. Kon nagahambae ako, ag nagahimo it mga makangawa-ngawa nga mga butang, ro akon 't-a nga Ama ro nagahimo karon paagi kakon.

Juan 14:24

Pero ro owa nagahigugma kakon hay owa gatuman sa akon nga hambae. Ro akong ginahambae kinyo hay bukon it akon-akon eang kundi tag ginapahambae kakon ku Ama nga nagpadaea kakon iya.

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 3:32

Ro anang hakita ag habatian idto sa eangit hay imaw ro anang ginasugid, pero sangkiri ea't-a ro nagapati kana.

Juan 5:19

Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.

Juan 5:30

Indi puydi nga mag-obra ako it akon-akon eang. Kon maghukom ako hay ginasunod ko eang kon ano ro ginahambae kakon it Dyos. Ngani, tama ro akon nga paghukom sa mga tawo tungod ro akong gusto nga tumanon hay bukon it ro akong pagbuot kundi ro ana ku nagpadaea iya kakon.”

Juan 8:26

Abo gid ro akong ikahambae parti kinyo ag ikakondenar kinyo. Pero ro nagpadaea iya kakon hay bukon gid it purilon, ag ro akon eang nga ginahambae sa mga tawo iya sa kalibutan hay ro mga nabatian nakon kana.”

Juan 8:41

Ro inyong mga ginaobra hay pareho man sa mga ginaobra ku inyong ama.” Nagsabat sanda, “Bukon 't-a kami it mga bastardo. Ro Dyos eang ro among matuod nga Ama.”

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.