Juan 8:34 - Inkeanon

³⁴ Nagsabat si Jesus, “Matuod gid rang ginahambae kinyo nga ro tanan nga nagapadayon sa pagpakasaea hay mga ulipon it saea.

Juan 8:34 Iomraidhean Croise

Mateo 5:18

Matuod rang ginahambae kinyo nga myentras iya pa ro kaeangitan ag ro kalibutan hay indi puydi nga dueaon ro gahom ku bisan sangka tuldok o pinakamaisot nga detalye sa Sagrado nga Kasueatan hasta nga indi ra matabo tanan.

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Mga Binuhatan 8:23

Ginahambae ko ra ay sayod ko nga nahikaw ka gid it duro ag ginaulipon ka it saea.”

Mga TagaRoma 6:12

Ngani ayaw eon ninyo pagpasugti nga gamhan pa kamo it saea nga magsinunod 't-a kamo sa mga maeain nga gusto it inyong eawas.

Mga TagaRoma 6:16

Owa baea kamo kasayod nga kon magpaulipon kamo sa sangka tawo agod magtuman kana hay ulipon na gid-a kamo ag dapat ninyo imaw nga tumanon? Kon nagpaulipon kamo sa saea, ro bunga karon hay kamatayon nga owa it katapusan nga pina. Pero kon nagpaulipon kamo sa pagtuman sa Dyos, ro bunga karon hay magakabuhi kamo it matarong.

Mga TagaRoma 6:6

Sayod naton nga ro atong daan nga batasan nga makasasaea hay matsa gineansang man kaibahan ni Kristo idto sa krus agod madueaan ron it gahom ag agod indi eon kita maulipon pa it saea.

Mga TagaRoma 7:14

Bukon 't-a it ro Kasuguan ro baeasueon ay sayod naton nga ruyon hay halin sa Espirito it Dyos. Pero kalibutanon ako nga ginpaulipon sa saea.

Mga TagaRoma 7:25

Pero saeamat sa Dyos nga makaeuwas ako kara paagi sa ginhimo ni Jesu-Kristo nga atong Ginuo. Pero ginahambae ko it uman nga gusto ku akong isip nga magtuman sa Kasuguan it Dyos ugaling ro akong makasasaea nga kinaiya hay nagatueod kakon permi nga magkasaea.

Mga TagaRoma 8:21

maabot ro oras nga malibre sanda sa pagkaeunot nga matsa nagaulipon kanda ag matapoe sanda sa kanami-nami nga kahimtangan nga maagyan ku mga unga it Dyos.

Mga TagaEfeso 2:2

Makaruyon anay kamo kato, ay nagasunod pa kamo sa maeain nga batasan ku mga tawo iya sa kalibutan. Ro inyong pagsunod ngaron hay pagsunod man sa pinuno it tanan nga maeain nga espirito nga nagagahom sa kahanginan, ag imaw man ro espirito nga nagatueod sa mga owa nagatuman sa Dyos nga magkasaea.

Tito 3:3

Dumdumon naton nga kita man ngani kato hay owa kaeubot parti sa Dyos, bukon it masinueundon kana, ag ginpinataeang. Ulipon anay kita it mga sari-sari nga mga maeain nga handom nga nailaan ku atong eawas. Puro eang anay maeain ro atong ginaisip sa atong isigkatawo ag permi eang natong ginahisaan sanda. Ginakaugtan kita it mga tawo ag ginakaugtan man naton sanda.

2 Pedro 2:19

Nagapromisa sanda nga hilway eon ro mga nagasunod kanda nga obrahon ro bisan ano nga andang gusto. Pero sa kamatuuran hay sanda ngani mismo hay mga ulipon it pagpakasaea nga nagasamad kanda, tungod ro sangka tawo hay ulipon it bisan ano nga nakaperdi kana.