Juan 8:31 - Inkeanon

³¹ Tapos hay naghambae si Jesus sa mga Judio ngato nga nagtuo kana, “Kon magpadayon kamo sa pagsunod sa akong ginaturo hay matuod gid nga mga sumueunod ko kamo.

Juan 8:31 Iomraidhean Croise

Mateo 24:13

Pero ro nagapadayon nga nagatuo kakon hasta sa kamatayon hay maeuwas.

Juan 1:47

Nakita ni Jesus nga nagapaeangop kana si Nataniel. Tag maeapit eon ra kana, naghambae si Jesus, “Hara't-a ro nagpanubli ku batasan ku anang lolo nga si Israel. Owa gapangluko.”

Juan 2:2

Si Jesus ag ro anang mga sumueunod hay idto man tungod kangay man sanda.

Juan 6:55

tungod ro akong eawas ro minatuod nga pagkaon ag ro akong dugo ro minatuod nga ilimnon.

Juan 8:36

Ngani kon ako nga Unga it Dyos ro maghilway kinyo sa pagkaulipon it saea hay matuod nga hilway gid-a kamo.

Mga Binuhatan 13:43

Pagkatapos it pagtililipon sa sinagoga, abo nga mga Judio ag mga bukon it Judio nga nagsaylo eon sa relihiyon it mga Judio ro nagmunot kanday Pablo ag Barnabas. Nagpakig-istorya kanda sanday Pablo ag ginpalig-on ro andang buot nga padayon nga magsalig sa andang habatian parti sa sobrang kabuot it Dyos.

Mga Binuhatan 14:22

Sa mga lugar ngato hay anda nga ginpabaskog ro buot ku mga sumueunod ag gineaygayan nga magpadayon sa andang pagtuo bisan ano ro matabo. Hambae nanda, “Dapat nga magaagi kita it abo nga kalisod bago kita makaabot sa eangit bilang mga sinakpan it Dyos.”

Mga Binuhatan 26:22

Halin pa kato hasta makaron hay ginabuligan ako permi it Dyos nga magpamatuod sa tanan nga tawo, dungganon man o kubos. Owa ako it ibang ginahambae kundi ro ginhambae man kato it mga propeta ag ni Moises nga matabo sa ulihi.

Mga TagaRoma 11:22

Makita naton dikara ro kabuot ag pagkastrikto it Dyos sa pagpina it saea. Strikto imaw sa mga Judio nga matsa hanandad ag hadusmo pero kinyo't-a hay mabuot imaw basta indi ninyo pagbaliwalaon ro anang kabuot ngaron ay kon baliwalaon ninyo ron hay kamo man hay anang utdon.

Mga TagaRoma 2:7

Taw-an nana it kabuhi nga owa't katapusan ro nagapadayon nga nagahimo it mayad ay nagapaabot gid sanda nga padunggan ag itapoe sa kanami-nami nga kahimtangan nga owa it katapusan idto sa eangit.

Mga TagaColosas 1:23

Matabo eang ra kon magpadayon kamo sa inyo nga malig-on ag indi mahuyang nga pagtuo, ag indi gid magduda nga mabaton ninyo ro mga mayad nga butang nga ginpromisa sa Mayad nga Balita nga inyong habatian. Ro Mayad nga Balita ngara hay ginasugid sa bilog nga kalibutan, ag ako nga si Pablo hay ginpili it Dyos nga magsugid karon.

1 Timoteo 2:15

Daya ro dahilan kon ham-an it nagapasaeapo imaw ag ro tanan nga bayi kon magpangunga, pero maeuwas ma't-a sanda gihapon kon magapadayon sanda sa andang pagtuo kay Jesus, sa paghigugma sa andang isigkatawo ag sa balaan ag husto nga pagginawi.

1 Timoteo 4:16

Mag-andam ka gid nga indi maeaktan it saea ro imong kabuhi ag ginaturo. Padayuna ron ay paagi karon hay bukon eang it ikaw ro maeuwas, kundi pati man ro mga nagapamati kimo.

2 Timoteo 3:14

Pero ikaw 't-a, Timoteo, padayuna ro pagpati ag pagtuman sa mga ginturo kimo. Nangin kumbinsido ka nga matuod rato, ay sayod mo gid nga masaligan ro mga nagturo kato.

Mga Hebreo 3:14

Magapadayon nga maeueot ro atong kaangtanan kay Kristo basta huptan naton it malig-on hasta sa katapusan ro atong pagkasigurado nga matuod ro atong ginapatihan parti kana.

Mga Hebreo 8:9

Eain ra sa kasugtanan nga gintao nakon sa andang mga kalolo-lolohan kat akon eon sanda nga hatuytuyan paguwa sa Egipto. Owa sanda magtuman sa akong kasugtanan nga gintao kanda, mawron nga owa ko sanda pag-inatuha.

Santiago 1:25

Pero ro tawo nga nagausisa it mayad sa perpekto nga mensahi it Dyos nga nagahilway sa tawo ag nagatuman karon hay pakamaayuhon it Dyos sa anang ginaobra. Pakamaayuhon imaw dahil owa eang imaw nagapamati ag tapos lipatan man dayon kundi padayon imaw nga nagatuman.

1 Juan 2:19

Ro mga nagakuntra ngaron kay Kristo hay mga kaibahan anay naton kato, ugaling hay nagbueag sanda katon. Pero ro andang pagbueag hay gapakilaea nga bukon gid sanda it matuod nga kaibahan naton nga mga tumueuo ni Kristo, ay kon matuod sanda nga tumueuo ni Kristo hay indi sanda magbueag katon.

1 Juan 2:24

Itanom gid ninyo sa inyong paino-ino ro tanan nga inyong habatian parti kay Kristo, umpisa pa ku inyong pagtuo kana. Kon makaruyon ro inyong ginaobra hay magapadayon kamo sa inyong maeueot nga kaangtanan sa Dyos nga Ama, ag sa anang Unga nga si Jesus.

2 Juan 1:9

Ro tanan nga owa nagapadayon sa pagsunod sa ginaturo ni Kristo, kundi nagaturo it sobra pa karon hay owa it maeueot nga kaangtanan sa Dyos. Pero ro nagapadayon sa pagsunod sa ginaturo ni Kristo hay may maeueot nga kaangtanan sa Dyos nga Ama, ag sa ana nga Unga.