Juan 8:29 - Inkeanon

²⁹ Ro nagpadaea iya kakon hay kaibahan ko permi, owa nana ako ginaaywani dahil ginaobra ko permi kon ano ro gapalipay kana.”

Juan 8:29 Iomraidhean Croise

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Mateo 3:15

Pero nagsabat si Jesus, “Ayaw eon it balibad ay tama eang nga obrahon naton ra ay dapat nga tumanon naton ro tanan nga tama sa panueok it Dyos.” Ngani nagsugot si Juan nga bawtismuhan si Jesus.

Mateo 3:17

May naghambae dayon halin sa eangit, “Raya ro akong palangga nga unga. Nalipay gid ako it duro kana.”

Juan 14:31

Pero ginabaton ko ro madali lang matabo kakon agod ipakita sa mga tawo nga ginahigugma ko ro akong Ama, ag ginatinuman ko permi kon ano ro anang ginsugo kakon. Musyon kamo, mapanaw eon kita.”

Juan 16:32

pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

Juan 17:4

Ginpakita ko sa mga tawo iya sa kalibutan nga daeayawon ka nga Dyos paagi sa pagtapos nakon ku imong oeobrahon nga imong ginpaobra kakon.

Juan 4:34

Naghambae si Jesus kanda, “Ro akong pagkaon hay ro pagtuman ku kabubut-on ku nagpadaea iya kakon ag ro pagtapos ku anang ginapaobra kakon.

Juan 5:30

Indi puydi nga mag-obra ako it akon-akon eang. Kon maghukom ako hay ginasunod ko eang kon ano ro ginahambae kakon it Dyos. Ngani, tama ro akon nga paghukom sa mga tawo tungod ro akong gusto nga tumanon hay bukon it ro akong pagbuot kundi ro ana ku nagpadaea iya kakon.”

Juan 6:38

tungod nanaog ako iya halin sa eangit agod tumanon ro pagbuot ku nagpadaea iya kakon, bukon it ro akong pagbuot.

Juan 8:16

Pero kon magpanghusgar gid man ako hay tama ro akong paghusgar, ay bukon eang it ako ro magahusgar kundi daywa kami ku akong Ama nga nagpadaea iya kakon.

2 Timoteo 4:17

Pero sa gihapon hay gin-ibhan ako it Ginuo ag ginpaisog ro akong buot agod paagi kakon hay ikasugid ro bug-os nga mensahi parti kana, ag agod makabati karon ro tanan nga mga bukon it *Judio. Ag gineuwas nana ako sa mga gustong magpatay kakon.

2 Timoteo 4:22

Kabay pa nga ibhan ka permi it Ginuo ag masamitan pa gid ninyo inha ro sobrang kabuot it Dyos.

Mga Hebreo 4:15

Ro aton ngara nga Pinakapinuno nga Saserdote hay nakaeubot kon maeuya kita sa pagsukoe sa tentasyon ag naeuoy imaw katon. Sayod nana ron ay tag nagpakatawo imaw iya sa kalibutan hay naagyan man nana tanan ro mga tentasyon kaparehas naton, pero owa gid imaw nagkasaea.

Mga Hebreo 7:26

Si Jesus ro Pinakapinuno nga Saserdote nga insakto gid sa atong kinahangean. Balaan imaw, owa gid imaw it kasawayan ag owa gid imaw it saea nga makapahigko kana sa panueok it Dyos. Eain gid imaw katon nga mga tawo ay makasasaea't-a kita pero imaw hay bukon. Idto eon imaw sa eangit ag gintaw-an eon it kadungganan nga eabaw sa tanan nga idto.

1 Juan 2:1

Mga unga nakon sa pagtuo, ginasueat ko kinyo ro mga bagay ngara agod indi kamo magkasaea. Pero kon may una gid man kinyo nga magkasaea hay may magabulig katon nga magapangabay sa Dyos nga Ama nga patawaron kita, ag ruyon hay si Jesu-Kristo, nga imaw ro matarong.

1 Juan 3:22

Ag bisan ano ro aton nga ginapangayo kana hay aton nga mabaton, tungod ginatuman naton ro anang kasuguan ag ginahimo naton ro makapalipay kana.