Juan 8:28 - Inkeanon

²⁸ Ngani naghambae si Jesus kanda, “Pagkatapos nga inyo nga hibayaw sa krus ako nga Unga it Tawo hay dikaron ninyo masayran nga matuod ro akon nga ginahambae kon sin-o gid ako. Masayran man ninyo nga owa ako gahimo it bisan ano nga akon-akon eang kundi ro akon nga ginahambae hay ro mga ginturo kakon it akon nga Ama.

Juan 8:28 Iomraidhean Croise

Mateo 24:5

ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag abo gid ro andang pataeangon.

Marcos 13:6

ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag abo gid ro andang pataeangon.

Lucas 21:8

Nagsabat si Jesus, “Mag-andam gid kamo nga indi kamo hipataeang ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag mahambae man sanda nga madali eon lang ro oras. Ayaw kamo magsunod kanda.

Juan 11:42

Sayod ako nga ginapamatian mo ako permi, pero ginhambae ko ra agod ro mga tawo ngara nga nagatilindog sa akong palibot hay magapati nga ikaw ro nagpaadto kakon iya.”

Juan 13:19

Ginasugiran ko eagi kamo kara bago pa ra matabo, agod kon matabo eon ngani hay magapati kamo nga ako ro Maneueuwas nga ginpromisa it Dyos.

Juan 16:10

Pamatud-an man nana nga matarong 't-a ako sa mata it Dyos ag ro pamatuod kara hay magabalik ako sa akong Ama, ag indi eon ninyo ako hikita.

Juan 18:32

Paagi sa anda ngarong ginhambae hay natuman ro ginhambae ni Jesus kon mauno imaw mamatay.

Juan 19:18

Idto nanda imaw gineansang sa krus. May anda man nga gineansang sa krus nga daywa pa nga ka tawo, ag sa tunga nanda si Jesus.

Juan 3:11

Matuod gid rang ginahambae kimo nga nasayran gid namon ag nasaksihan ro among ginasugid pero owa gid kamo gapati karon.

Juan 3:14

Ag ro matabo kakon hay pareho man sa natabo sa sawa nga saway nga ginpakabit ni Moises sa kahoy ag ginpatindog tag idto sanda sa *disyerto. Dahil dapat ako nga Unga it Tawo hay ieansang sa krus ag patindugon

Juan 4:26

Nagsabat kana si Jesus, “Ako nga nagapakighambae kimo ro imo ngarong ginapaabot.”

Juan 5:19

Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.

Juan 5:30

Indi puydi nga mag-obra ako it akon-akon eang. Kon maghukom ako hay ginasunod ko eang kon ano ro ginahambae kakon it Dyos. Ngani, tama ro akon nga paghukom sa mga tawo tungod ro akong gusto nga tumanon hay bukon it ro akong pagbuot kundi ro ana ku nagpadaea iya kakon.”

Juan 6:38

tungod nanaog ako iya halin sa eangit agod tumanon ro pagbuot ku nagpadaea iya kakon, bukon it ro akong pagbuot.

Juan 8:24

Mawron nga naghambae ako kinyo nga mamatay kamo nga owa mapatawad ro inyong mga saea. Kon indi kamo magpati sa akon nga ginahambae kon sin-o gid ako hay mamatay gid-a kamo nga owa mapatawad ro inyong mga saea.”

Juan 8:27

Pero owa kaeubot ro mga tawo nga ro ginapatungdan kara ni Jesus hay ro Dyos nga Ama.

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

Mga Binuhatan 2:41

Abo ro nagpati sa mensahi ni Pedro ag ginbawtismuhan dayon sanda. Ngani mga tatlong libong ka tawo ro nagdugang sa mga tumueuo ku ratong adlaw.

Mga Binuhatan 4:4

Pero bisan makarato ro natabo hay abo sa mga nakabati ku mensahi ni Pedro ro nagpati. Kon taeapueon it huyap rayang mga nagpati ag ratong mga hauna, ro mga eaki eang hay nakaabot eon it mga 5,000.

Mga TagaRoma 1:4

Kon parti ma't-a sa anang pagkaDyos hay gindiklara imaw nga Unga it Dyos nga makagagahom paagi sa pagbanhaw kana ku Espirito Santo. Imaw si Jesu-Kristo nga atong Ginuo.