Juan 8:21 - Inkeanon

²¹ Tapos, naghambae pa gid si Jesus kanda, “Sa indi magbuhay hay mapanaw eon ako ag inyo ako nga usuyon, pero indi ninyo ako makita, ag mamatay kamo nga owa mapatawad ro inyong mga saea. Indi kamo makaadto sa akong adtunan.”

Juan 8:21 Iomraidhean Croise

Mateo 23:39

Ag ginahambae ko kinyo nga umpisa makaron hay indi ninyo makilaea kon sin-o gid ako hasta sa adlaw nga maghambae kamo nga, ‘Daeayawon raya nga ginpadaea iya it Dyos.’ ”

Mateo 25:41

“Tapos hay hambaeon ko tag mga ratong sa akong may waea, ‘Halin kamo iya, mga ginsumpa it Dyos! Idto kamo sa lugar kon siin ro kaeayo hay nagadabdab hasta sa owa it katapusan nga gintigana kay Satanas ag sa anang mga anghel.

Mateo 25:46

“Ngani ratong mga bukon it matarong hay pahalinon sa akon nga atubang ag pinahan hasta sa owa it katapusan, pero ro mga matarong hay makabaton it kabuhi nga owa it katapusan.”

Juan 12:33

Ginhambae nana ra agod ipasayod kon paalin imaw mamatay sa indi magbuhay.

Juan 12:35

Nagsabat si Jesus, “Mangin kaibahan pa ninyo ro Iwag it madaling oras. Ngani samtang iya pa ra kinyo hay magkabuhi kamo suno sa paggiya it kahayag nga anang ginatao agod indi madueman it husto ro inyong paino-ino. Ro nagatikang sa kadueom hay owa kasayod kon siin imaw paadto.

Juan 13:33

Mga palangga nakon nga mga unga, indi eon magbuhay ro akon nga pag-iba kinyo, ag kon owa eon ako riya hay usuyon ninyo ako. Pero ihambae ko man kinyo makaron ro akon kato nga ginhambae sa mga manogdumaea it mga Judio nga indi kamo makaadto sa akong ginaadtunan.

Juan 7:34

Usuyon dayon ninyo ako, pero indi ninyo ako makita. Indi kamo makaadto sa akon nga ginaadtunan.”

Juan 7:36

Ano gid-a baea ro anang buot hambaeon sa anang ginhambae nga usuyon naton imaw, pero indi naton imaw makita ag indi kita makaadto sa anang ginaadtunan?”

Juan 8:24

Mawron nga naghambae ako kinyo nga mamatay kamo nga owa mapatawad ro inyong mga saea. Kon indi kamo magpati sa akon nga ginahambae kon sin-o gid ako hay mamatay gid-a kamo nga owa mapatawad ro inyong mga saea.”

Mga TagaEfeso 2:1

Kato anay, tag owa pa kamo nagtuo hay pareho kamo it mga patay tungod sa inyong mga pageapas ag kasae-anan. Owa pa kamo hataw-i it Dyos it bag-o nga kabuhi halin kana.