Juan 8:2 - Inkeanon

² Pagkaaga-aga hay nagbalik imaw sa *lagwirta it Templo. Tag idto eon imaw hay gintueumpukan imaw it mga tawo, ngani nagpungko imaw ag gintinud-an sanda.

Juan 8:2 Iomraidhean Croise

Mateo 26:55

Ginhambae dayon ni Jesus ro kaabo ngato nga mga tawo, “Ano ay? Matsa rebelde't-a ako nga nagdaea pa kamo it daga ag bakulo sa pagdakop kakon. Adlaw-adlaw hay idto ako sa Templo nagalingkod ag nagaturo pero owa ninyo ako kato pagdakpa.

Lucas 21:37

Ku ratong mga inadlaw, nagaturo si Jesus sa Templo kon adlaw ag kon gabii hay nagaguwa imaw sa syudad ag nagaadto sa Bukid it Olibo ag idto gaeubog.

Lucas 21:38

Ro tanan nga mga tawo hay agahon pa nagabangon ag nagaadto idto sa Templo agod magpamati kana.

Lucas 4:20

Pagkatapos ni Jesus it basa, ana nga ginbalilin ratong kasueatan ag ginbalik sa manogbulig sa sinagoga ag nagpungko imaw agod magturo. Owa gid gahalin kana ro panueok ku tanan nga mga tawo sa sueod it sinagoga.

Lucas 5:3

Nagsakay si Jesus sa sambilog sa mga baroto idto. Ro tag-ana ku baroto ngato hay si Simon. Ana dayon nga ginpangabay si Simon nga itikeod sa madaeom-daeom ro baroto. Pagkatapos, nagpungko imaw sa baroto ag nagturo sa mga tawo nga idto sa baybayon.

Juan 4:34

Naghambae si Jesus kanda, “Ro akong pagkaon hay ro pagtuman ku kabubut-on ku nagpadaea iya kakon ag ro pagtapos ku anang ginapaobra kakon.

Juan 8:20

Raya ro ginhambae ni Jesus tag idto imaw nagaturo sa *lagwirta it Templo, maeapit sa may ginabutangan it haead nga kwarta. Pero owa it nagdakop kana ay owa pa nag-abot ro oras nga tumanon nana ro plano it Dyos.

Juan 8:3

Tag nagaturo pa imaw, ro mga *maestro it Kasuguan ag ro mga Pariseo hay may gindaea nga bayi sa atubang ni Jesus ag ku tanan nga mga tawo. Ro bayi ngato hay hadakpan nga nagapangawatan.

Mga Binuhatan 5:21

Ngani pagbanaag it adlaw hay nag-adto sanda sa *lagwirta it Templo ag nagturo it uman. Ku ulihi, pag-abot ku pinakapinuno nga saserdote ag ku anang mga kaibahan idto sa andang ginatipunan hay ginpatawag dayon nanda ro ibang mga manogdumaea it mga Judio nga myembro man it *Sanedrin. Anda dayon nga ginpasueang sa prisuhan ro mga apostoles agod imbistigaron.