Juan 8:15 - Inkeanon

¹⁵ Ro inyo nga paghusgar kakon hay nabase eang sa kon ano ro inyong makita. Ako't-a hay bukon it makaruyon kon maghusgar.

Juan 8:15 Iomraidhean Croise

Lucas 12:14

Nagsabat si Jesus, “Ano ako ay? Sin-o ro nagbutang kakon nga huwis ninyong daywa o manoghueay ku inyong paeanublion?”

Juan 12:47

Bukon it ako ro nagasintinsya nga pinahan ro mga nakabati sa akong ginahambae pero owa man nagatuman. Nag-adto abi ako iya sa kalibutan agod euwason ro mga tawo, bukon it agod sintinsyahan sanda.

Juan 18:36

Nagsabat si Jesus, “Ro akon nga paghari hay bukon it pareho ku ana ku mga hari iya sa kalibutan. Bangod kon pareho kanda ro akong paghari hay sumukoe eon kunta it inaway ro akong mga sakop, agod indi ako ikaitugyan sa mga lider it mga Judio. Pero owa't-a sanda magsukoe dahil ro akon nga paghari hay owa nagasunod sa mga makaruyong patikang iya sa kalibutan.”

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 7:24

Ayaw kamo magpanghusgar suno sa inyo eang nga hakita kundi usisaa anay ninyo kon ano gid ro matuod bago kamo magpanghusgar.”

Juan 8:11

“Owa eon, Sir,” sabat ku bayi. Naghambae si Jesus, “Indi man ako magsintinsya kimo. Uli eon ag talikdi eon ring saea ngaron.”

Mga TagaRoma 2:1

Basi mahambae kamo nga ro mga tawong makaruyon hay mga maeaot gid ag dapat pinahan ag kamo't-a hay matarong. Pero sa inyo ngarong pagkondenar kanda hay inyo man nga ginakondenar ro inyong kaugalingon ay paeareho man lang ro inyong mga buhat! Ngani bukon kamo it abswelto sa pina it Dyos!

1 Corinto 2:15

Pero ro tawo nga una kana ro Espirito Santo hay makaeubot ku tanan nga ginapahayag kara pero indi imaw maeubtan ku mga tawo nga owa kanda ro Espirito Santo.

2 Corinto 5:16

Ngani makaron, ro among pagtan-aw sa tawo hay bukon eon it nabase sa kon ano ro among makita kanda nga pangguwa eang. Kato anay, ro amon nga pagtan-aw kay Kristo hay makaruyon man, pero makaron hay eain eon ay hasayran eon namon nga bukon eang imaw it tawo.

Santiago 2:4

Kon makaruyon ro inyong ginaobra hay bukon it parehas ro inyong pagtratar sa daywa ngato. Pareho kamo it huwis nga maeain ro kabubut-on ay inyong ginasika-sika ro pobre.