Juan 8:14 - Inkeanon

¹⁴ Nagsabat si Jesus, “Bisan ako mismo ro nagapamatuod sa akong kaugalingon hay matuod ma't-a ro akong ginahambae tungod sayod ko kon siin ako naghalin ag kon siin ako gapaadto. Pero kamo't-a hay owa gid karon kasayod.

Juan 8:14 Iomraidhean Croise

Juan 10:15

Ro among pagkililaea hay pareho ku pagkililaea namon ku akong Ama. Ag haom man ako nga magsakripisyo ku akong kabuhi para sa akong mga karnero.

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 14:10

Owa ka pa baea gapati nga ako ag ro akong Ama hay may maeueot gid nga kaangtanan nga matsa sambilog eang kami? Ro mga ginasugid ko kinyo hay bukon it akon-akon eang. Kon nagahambae ako, ag nagahimo it mga makangawa-ngawa nga mga butang, ro akon 't-a nga Ama ro nagahimo karon paagi kakon.

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 5:31

Naghambae si Jesus, “Kon ako eang ro magpamatuod parti sa akong kaugalingon hay masinghan kamo nga bukon it matuod ro akong ginahambae.

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

2 Corinto 11:31

Sayod it Dyos nga owa ako nagapinuril sa akong ginahambae ngara. Imaw ro Dyos ag Ama ni Ginuong Jesu-Kristo. Imaw ro dapat nga dayawon hasta sa owa it katapusan.

2 Corinto 12:11

Matsa kaumangon ako sa akong pagpinabugae ngara pero inyo gid ako nga ginapilit. Dapat kunta nga kamo ro nagdepensa kakon tag ginapakaeain ako ku mga nagaako inha nga sanda hay mga apostoles nga indi maeabawan. Dapat hay gindepensahan ninyo ako kanda ay bisan owa ako it pueos, bisan magkainalin hay indi man ako maulihi bilang apostol.

2 Corinto 12:19

Basi nagapaino-ino kamo nga kinyo't-a namon ginadepensahan ro among kaugalingon sa among ginahambae sa sueat ngara nga matsa kinyo't-a kami dapat manabat. Bukon a! Sa Dyos 't-a kami manabat ag saksi imaw nga ginahambae ra namon tanan kinyo bilang inyong isigkapareho nga may kaangtanan kay Kristo, ag para ron sa ikalig-on ku inyong pagtuo, mga hinigugma.

Pahayag 3:14

“Raya ro imong isueat sa anghel it grupo it mga tumueuo idto sa Laodicea: ‘Raya ro mensahi nakon, ako nga ginatawag nga Amen, ro masaligan nga manogpamatuod nga bukon it purilon. Ako man ro ginpatuga it Dyos ku tanan.