Juan 7:48 - Inkeanon

⁴⁸ May bisan sambilog baea kamon nga mga Pariseo o iba pang mga manogdumaea nga nagtuo kana, ay?

Juan 7:48 Iomraidhean Croise

Mateo 11:25

Tapos, nagpangamuyo si Jesus, “Ama, Ginuo ka ku tanan sa eangit ag sa kalibutan. Ginapasaeamatan ko ikaw tungod ro mga ginlipod mo sa mga may tinun-an nga nagaeaom nga mga maaeam sanda hay ginpahayag mo't-a sa mga mapainubuson ag naila magpaturo pareho it mga unga.

Lucas 23:13

Ginpatawag dayon ni Pilato ro mga pinuno it mga saserdote ag ro mga lider it mga Judio ag ro kaabo nga mga tawo nga nagapaeamantaw.

Juan 12:42

Bisan kaeabanan sa mga Judio hay owa magtuo kana, abo ma't-a gihapon ro nagtuo. Bisan ngani sa andang mga manogdumaea hay abo ro nagtuo man kay Jesus, ugaling hay owa ra nanda ginasugiran ay nahadlok sanda nga indi eon pagpasudlon ku mga Pariseo sa sinagoga,

Juan 3:1

May isaeang ka Pariseo nga si Nicodemus ro anang ngaean, nga myembro man it *Sanedrin.

Juan 7:26

Tan-awa tuo, hara imaw nagaturo it hayag sa kadagayaan ag gahinipos man lang ro atong mga manogdumaea. Basi sayod gid 't-a sanda nga imaw 't-a matuod ro Maneueuwas nga ginpromisa it Dyos.

Juan 7:49

Owa gid it habadwan sa Kasuguan ro kaabo nga mga tawo ngaron nga nagatuo kana, ngani owa sanda it ibang dangaton kundi pina it Dyos!”

Juan 7:50

Naghambae dayon ro isaea sa andang mga kaibahan nga si Nicodemus. Imaw ra kato ro nagpakigkita kay Jesus. Hambae nana,

Mga Binuhatan 6:7

Dahil mas abo eon ro oras ku mga apostoles nga magwali ngani mas nageapnaag pa gid ro mensahi it Dyos. Nag-inabo pa gid ro mga sumueunod sa Jerusalem ag kaabo-abo man nga mga saserdote ro nagpati ag nagtinuman sa mensahi parti kay Jesus.

1 Corinto 1:20

Kon makaruyon hay ano ro pueos ku kaaeam it mga mangin-aeamon iya sa kalibutan o ku mga may tinun-an o ku mga mayad madebati? Ginpakita eang it Dyos nga pinaumang ro tanan nga kinalibutanon nga kaaeam.

1 Corinto 2:8

Owa it bisan sambilog sa mga manogdumaea iya sa kalibutan nga nakaeubot ku rayang plano it Dyos ay kon haeubtan ra nanda hay owa eon kunta nanda pagpaeansangan si Kristo nga daeayawon ag dungganon nga Ginuo.