Juan 7:41 - Inkeanon

⁴¹ Hambae pa gid ku iba, “Imaw ro Maneueuwas nga ginpromisa it Dyos.” Pero ro iba ma't-a hay naghambae, “Bukon a. Hay pa tagaGalilea't-a ro Maneueuwas ay?

Juan 7:41 Iomraidhean Croise

Juan 1:41

Ro una nanang gin-obra hay gin-usoy na ro ana mismong igmanghod nga si Simon agod sugiran. Pagkita nanda, hambae ni Andres, “Nakita eon namon ro Mesias” (nga nagakahueugan nga “Kristo,” ro Maneueuwas nga Ginpromisa it Dyos).

Juan 1:46

Nagsabat si Nataniel, “TagaNazaret? May mapinuslanon gid baea nga matabo dahil sa sangka tagaNazaret?” “Musyon tuo, agod hipamatud-an mo,” sabat ni Felipe.

Juan 1:49

Naghambae si Nataniel, “*Rabbi, Unga ka gid matuod it Dyos. Ikaw eon gid-a ro among ginahueat nga hari ku mga inapo ni Israel.”

Juan 4:25

Naghambae dayon ro bayi, “Sayod ako nga ro Mesias hay magaabot (nga ginatawag man nga Kristo, ro Maneueuwas nga ginpromisa it Dyos) ag pag-abot nana hay ana katon nga ipaathag ro tanan-tanan nga butang.”

Juan 4:29

“Musyon kamo! Adtunan naton ro tawo nga naghambae kakon ku tanan nakong ginpang-obra. Bukon man siguro it imaw ro Maneueuwas nga ginpromisa it Dyos pero imaw lang kunta, no?”

Juan 4:42

Hambae ku mga tawo sa bayi ngato, “Gatuo eon kami makaron bukon eang it dahil sa imong ginsugid, kundi dahil habatian namon mismo ro anang hambae. Ngani sigurado eon kami nga imaw matuod ro Maneueuwas it mga tawo sa bilog nga kalibutan.”

Juan 6:69

Ag kami't-a hay nagtuo kimo ag sigurado gid kami nga ikaw ro Balaan nga ginpadaea iya it Dyos.”

Juan 7:27

Ugaling basi bukon ma't-a it imaw ra ay sayod gid kita kon tagasiin ra imaw. Ro Maneueuwas 't-ana hay owa't kasayod kon siin imaw maghalin kon mag-abot eon imaw iya.”

Juan 7:31

Pero abo gihapon ro nagtuo kana sa kaabuon ngato nga mga tawo ag naghambae sanda, “Imaw gid-a ro matuod nga Maneueuwas nga ginpromisa it Dyos tungod kon bukon it imaw ra hay may maabot pa baea nga makahimo it mas abo pa nga milagrosong pamatuod kaysa kana?”

Juan 7:52

Nagsabat sanda kay Nicodemus, “Hay pa isaea ka man sa mga bukiris nga tagaGalilea ay? Basaha tuo ro Kasueatan ag estudyuhan mo agod hisayran mo nga owa gid it propeta nga halin sa Galilea.”