Juan 7:39 - Inkeanon

³⁹ Raya nga ginhambae ni Jesus hay napatungod sa Espirito Santo nga madali lang mabaton ku mga nagtuo kana. Owa pa nanda mabaton ro Espirito tungod owa pa si Jesus hapadunggi.

Juan 7:39 Iomraidhean Croise

Mateo 16:14

Nagsabat ro anang mga sumueunod, “May gahambae nga si Juan nga Manogbawtismo ka kuno. Kon sa iba ma't-a, ikaw kuno kat si Elias anay ag sinanda ma't-a ku iba hay kat si Propeta Jeremias ka kuno. Sa iba pa gid hay isaea ka kuno sa iba pang mga propeta kato anay.”

Mateo 21:11

“Ro propeta nga si Jesus ron, nga tagaNazaret nga sa probinsya it Galilea,” sabat ku mga tawo nga nagasueunod kay Jesus.

Lucas 24:49

Ag ako mismo ro magapaadto kinyo ku Espirito Santo nga ginpromisa ku akon nga Ama. Pero hueat anay kamo iya sa syudad hasta nga gamhan kamo it Espirito Santo halin sa eangit.”

Lucas 3:16

Naghambae kanda si Juan, “Ginabawtismuhan ku kamo it tubi pero may maabot nga mas eabaw pa kakon nga bisan gahubad eon lang ku higot it anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Lucas 7:16

Hinadlukan gid it duro ro mga tawo ag anda nga gindinayaw ro Dyos. Sinanda, “Ginpakamaayo it Dyos kita nga anang mga katawhan ay ginpadaehan nana kita it gamhanan nga propeta!”

Juan 1:21

Nagsabat sanda, “Hay sin-o ka't-ing? Si Propeta Elias ka baea nga nagbalik?” Nagsabat si Juan, “Bukon a.” “Ro Propeta ka baea nga ginpromisa it Dyos?” pangutana eon man nanda. “Bukon man,” sabat ni Juan.

Juan 1:25

Pinangutana eon man nanda si Juan, “Hay ano ro imong otoridad nga magpangbawtismo kon bukon man gali it ikaw ro Maneueuwas nga ginpromisa it Dyos, bukon ka man it si Elias, ag bukon ka man it Propeta ngato nga ginpromisa it Dyos?”

Juan 12:16

Tag nagakaeanabo ra hay owa pa haeubti ku mga sumueunod ni Jesus nga katumanan gali rato ku ginsueat it sangka propeta. Pero pagkabanhaw nana, ag ginpadunggan eon imaw sa eangit hay hadumduman nanda rondatong natabo, ag naeubtan nanda nga imaw gali ro ginapatungdan ku ginsueat ngato.

Juan 12:23

Naghambae si Jesus, “Nag-abot eon ro oras nga Ako nga Unga it Tawo hay pagapadunggan.

Juan 14:13

Ag bisan ano ro inyong pangayuon bilang mga sumueunod nakon hay himuon ko, agod dayawon ro Ama paagi kakon nga anang Unga.

Juan 14:26

Pero kon owa eon ako, padaehan kamo ku akong Ama it Manogbulig, ag ruyon hay ro Espirito Santo ag imaw ro magabueos kakon. Imaw ro magaturo kinyo it tanan nga butang ag magapadumdum ku tanan nga ginhambae ko kinyo.

Juan 16:14

Ako ro anang pasidunggan tungod anang isugid kon ano ro akong gustong ipasayod pa gid kinyo.

Juan 16:7

Pero matuod ro akong hambae ngara nga para gid sa inyong kamaeayran ro akong pagpanaw, ay kon indi ako magpanaw hay indi man riya makaadto kinyo ro Manogbulig. Pero kon makapanaw eon ako, ipadaea ko imaw iya kinyo.

Juan 17:1

Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 20:22

Tapos hay ginhuypan nana sanda ag ginhambae, “Hara, batuna ninyo ro Espirito Santo.

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 7:12

Ro mga tawo ma't-a nga nagtililipon sa Jerusalem hay nagabinais parti kay Jesus. May mga gahambae, “Mayad ma't-a imaw nga tawo a.” Pero ro iba ma't-a hay gahambae, “Mayad gali ruyon nga ginapataeang 't-a nana ro mga tawo!”

Juan 8:54

Nagsabat si Jesus, “Kon dayawon ko ro akong kaugalingon, owa ron it pueos. Ro akon nga Ama nga ginahambae ninyo nga inyong Dyos hay imaw ro nagadayaw kakon.

Mga Binuhatan 19:2

Ginpangutana sanda ni Pablo, “Nabaton eon baea ninyo ro Espirito Santo tag nagtuo kamo?” Nagsabat sanda, “Owa pa. Owa ngani kami kabati nga may Espirito Santo gali.”

Mga Binuhatan 2:17

‘Sa ulihi hay pagamhan ko gid ku akon nga Espirito ro tanan nga mga tawo. Ro inyong mga unga, eaki man o bayi hay magahambae it mga mensahi nga akong ipahambae kanda. Ro inyong mga miron hay makakita it mga paeanan-awon. Ag ro inyong mga eaki nga mga magueang hay makakita ku akong ipakita kanda paagi sa mga damgo.

Mga Binuhatan 2:33

Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon.

Mga Binuhatan 2:38

Nagsabat si Pedro, “Ro kada isaea kinyo hay dapat magtalikod sa saea ag magpabawtismo nga gapakilaea nga nagapasakop eon kamo kay Jesu-Kristo nga inyong Ginuo. Dikaron patawaron ro inyong mga saea ag mabaton ninyo ro regalo it Dyos, nga imaw ro Espirito Santo.

Mga Binuhatan 2:4

Napuno dayon sanda tanan it Espirito Santo ag paagi sa anang gahom hay naghambae dayon sanda it ibang mga linggwahe nga owa nanda pagtun-i.

Mga Binuhatan 3:13

Ro Dyos nga ginasinimba ni *Abraham, ni Isaac, ni Jacob ag ku iba pa natong kalolo-lolohan ro naghimo kara, ag paagi kara hay ginpadunggan nana ro anang sueuguon nga si Jesus. Rondatong inyong ginpadakop ag ginpaatubang kay Pilato nga ana kunta nga ginabuhian ugaling owa gid kamo magsugot. Mas ginpaeabi pa ninyo nga pabuhian tag sambilog ngato nga tawo.

Mga Binuhatan 4:31

Pagkapangamuyo nanda hay nag-uylog ro lugar nga andang ginatipunan ag napuno sanda tanan it Espirito Santo ag halin kato hay nagsinugid sanda ku mensahi it Dyos nga may kaisog it buot.

Mga TagaRoma 8:9

Pero kamo't-a hay owa kamo nagapinagusto sa inyong makasasaea nga kinaiya kundi ginagamhan 't-a kamo ku Espirito Santo ay una imaw kinyo nagaistar. Pero ro tawo nga owa kana nagaistar ro Espirito Santo hay bukon it ay Kristo.

2 Corinto 3:8

mas kapin pa gid nga makita ro anang pagkadaeayawon sa tyempo ngara makaron kon siin ro tawo hay ginaistaran ag ginagiyahan it Espirito Santo.

Mga TagaEfeso 4:30

Isaea pa gali, indi kamo maghimo it mga bagay nga makapasubo sa Espirito Santo it Dyos, tungod ro anang pag-istar kinyo hay tanda nga mga katawhan kamo it Dyos, ag tubson nana kamo sa pina it inyong saea kon mag-abot eon ro adlaw it paghukom.