Juan 7:37 - Inkeanon

³⁷ Sa katapusan nga adlaw it Pagtililipon sa *Pagpatindog it mga Payag, nga imaw man ro pinakaimportanti nga adlaw sa bilog nga pagtililipon, nagtindog si Jesus ag naghambae it mabaskog, “Kon ginauhaw kamo, magdangop kamo kakon ag mag-inom.

Juan 7:37 Iomraidhean Croise

Mateo 11:28

Naghambae dayon si Jesus, “Kamo tanan nga mga ginagaoy ag ginabug-atan ku inyong mga paeas-anon, paeapit kamo kakon ay papahuwayon ko kamo.

Mateo 3:3

Si Juan ro ginapatungdan ni Propeta Isaias sa ana kato nga ginhambae nga, “May tawo idto sa *disyerto nga nagasinggit, ‘Pahauma ro aeagyan it Ginuo. Patadlunga ro anang daean.’ ”

Mateo 5:6

Bulahan ro mga tawo nga nagahandom gid it duro nga magkabuhi it matarong sa panueok it Dyos, ay sanda ro taw-an it Dyos ku andang ginahandom.

Juan 1:23

Nagsabat si Juan, “Ako ro katumanan ku ginsueat ni Propeta Isaias nga may tawo nga magasinggit idto sa *disyerto, ‘Patadlunga ro aeagyan it Ginuo.’ ”

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 4:10

Nagsabat si Jesus, “Kon hasayran mo eang kunta kon mauno ro regalo nga gustong itao kimo it Dyos, ag kon sayod ka kunta kon sin-o ako nga nagapangayo kimo it tubi hay ikaw 't-a ro mangayo kakon ag ro akong itao kimo hay tubi nga nagatao it kabuhi nga owa't katapusan.”

Juan 4:11

Nagpangutana ro bayi, “Sir, owa ka't-ing it timba ag kadaeom 't-a ro bubon ngara. Hay siin ka mabuoe it tubi ngaron nga nagatao it kabuhi?

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 5:40

ugaling hay owa gihapon kamo naila magdangop kakon agod taw-an ko kamo ku kabuhi ngaron nga owa it katapusan.

Juan 6:35

Nagsabat si Jesus, “Ako't-a ro pagkaon nga nagatao it minatuod nga kabuhi. Ro bisan sin-o nga gadangop kakon hay indi eon paggutumon bisan hasta hin-uno ag ro bisan sin-o nga gatuo kakon hay indi eon pag-uhawon it uman.

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 6:55

tungod ro akong eawas ro minatuod nga pagkaon ag ro akong dugo ro minatuod nga ilimnon.

Juan 7:28

Ngani ginbaskog dayon ni Jesus ro anang limog tag nagpadayon imaw sa anang pagturo sa Templo. Hambae nana, “Eaom ninyo hay kilaea ninyo ako ag kon tagasiin ako. Pero owa gid 't-a gali. Bukon it ako ro nagmato-mato nga mag-adto iya, kundi may una matuod nga nagpadaea kakon iya, ag owa ninyo imaw hakilaea.

1 Corinto 10:21

Indi puydi nga magsaeo kamo sa pag-inom ag pagkaon sa pagdumdum ku kamatayon it Ginuo ag magsaeo man kamo sa mga pakaon nga para sa mga demonyo.

1 Corinto 10:4

Tanan man sanda hay nag-ininom ku tubi nga gintinao kanda it Dyos, pareho ku rato nga tubi nga ginpatubod nana halin sa bato. Ro bato ngato hay nagasimbolo kay Kristo nga nag-iniba kanda.

1 Corinto 11:25

Pagkaihapon nanda hay nagbuoe man imaw it ilimnan nga may sueod nga bino ag ginpasaeamatan rato sa Dyos. Naghambae imaw, “Ro sueod ku rayang kopa hay nagasimbolo ku bag-o nga kasugtanan nga gintao it Dyos sa tawo, ag ro akon nga dugo nga magaagay hay gapalig-on ku kasugtanan ngara. Kada mag-inom kamo it bino sa inyong pagtililipon, sa pagdumdum ku akong kamatayon, dumduma ninyo ro akong dugo nga nag-agay.”

1 Corinto 12:13

Kita tanan, Judio man kita o bukon, ulipon man o bukon hay ginabawtismuhan sa sangka Espirito agod mangin sangka eawas eang, ag tanan kita hay ginaistaran it Espirito Santo ngara.

Mga TagaEfeso 5:18

Ayaw kamo magpahilong nga magaresulta sa pagminaoy kundi magpasakop kamo permi sa pagkontrol it Espirito Santo.

Pahayag 21:6

Naghambae pa gid imaw, “Natabo eon tanan ro gusto ko nga matabo. Ako ro Alpha ag ro Omega, ro nag-umpisa ag ro magatapos ku tanan nga mga butang. Ro ginauhaw hay paimnon ko it libre nga tubi nga nagahalin sa tuburan nga nagatao it kabuhi nga owa it katapusan.

Pahayag 22:1

Ginpakita man dayon kakon it anghel ro suba nga ro anang tubi hay nagatao it kabuhi. Matin-aw gid ro tubi pareho it kristal ag nagahalin rato sa trono it Dyos ag ku Tiyo it Karnero,

Pahayag 22:17

Hambae ku Espirito it Dyos ag ku nobya ku Tiyo it Karnero “Maliya.” Ag ro tanan nga kabati kara hay mahambae man it, “Maliya.” Ro bisan sin-o nga ginauhaw hay puyding magpaeapit. Ag ro naila mag-inom ku tubi nga nagatao it kabuhi hay puydi kainom it libre.