Juan 7:35 - Inkeanon

³⁵ Ngani nagpaeangutan-an ro mga manogdumaea, “Siin baea imaw ra gaadto nga indi't-a kuno naton imaw makita? Hay pa maadto gid ron abi imaw sa atong mga kadugo nga idto gaistar sa mga lugar ku mga bukon it Judio agod tud-an sanda ag pati man ro mga bukon it Judio?

Juan 7:35 Iomraidhean Croise

Mateo 12:21

Ro tanan nga rasa it tawo hay magasalig kana nga ana sanda nga euwason.”

Lucas 2:32

Imaw hay pareho it kahayag nga magapaathag ku imong kamatuuran sa mga bukon it *Judio. Ag tungod kana, pagapadunggan kami nga imong mga katawhan nga mga inapo ni Israel.”

Juan 12:20

Sa mga nag-adto sa Jerusalem agod magsimba sa Dyos sa Pagtililipon hay may mga Griyego.

Juan 7:1

Pagkatapos kato hay idto eang si Jesus naglinibot sa Galilea. Owa imaw mag-adto sa Judea ay sayod nana nga nagainusoy it ideya ro mga manogdumaea it mga Judio idto nga hipatay imaw.

Juan 8:22

Naghambae dayon ro mga manogdumaea it mga Judio sa kada isaea, “Ham-an it gahambae imaw nga indi kita makaadto sa anang adtunan? Hay pa manghugot 't-a ra imaw ay?”

Mga Binuhatan 11:18

Owa kasabat ratong mga nagbusla kay Pedro pagkabati nanda kara. Gindayaw dayon nanda ro Dyos ag sinanda, “Gintaw-an ma't-a gali ku Dyos it kahigayunan ro mga bukon it Judio agod maghinuesoe ag magtalikod sa andang mga saea agod makabaton it kabuhi nga owa it katapusan.”

Mga Binuhatan 11:20

Pero sa mga nag-adto ngato sa Antioc hay may iba nga tagaCyprus ag tagaCyrene. Pag-abot nanda sa Antioc hay nagwinali sanda ku Mayad nga Balita parti kay Ginuong Jesus. Pero ro andang ginwinalihan hay pati man ro mga bukon it Judio.

Mga Binuhatan 14:1

Pag-abot nanday Pablo ag Barnabas sa Iconium hay nag-adto sanda sa sinagoga it mga Judio ag nagturo pareho man ku gin-obra nanda idto sa Antioc. Mayad gid ro andang paghambae ngani kaabo-abo gid ro nagtuo nga mga Judio ag mga bukon it Judio.

Mga Binuhatan 17:4

Ro iba kanda hay nakumbinsi ag nag-iba kanday Pablo ag Silas, pati man ro kaabo-abo nga mga bukon it Judio nga nagaiba sa mga Judio sa pagsimba ag ro kaabo man nga mga ginakilaea sa sosyudad nga mga bayi.

Mga Binuhatan 18:4

Kada Adlaw it Inogpahuway, idto imaw sa sinagoga nagapakigdiskusyon sa mga Judio ag bukon it Judio sa pagtinguha nga makumbinsi sanda nga magtuo kay Jesus.

Mga Binuhatan 21:21

Nakabati sanda nga nagaturo ka kuno sa mga Judio nga idto nagaistar sa mga lugar it mga bukon it Judio nga talikdan eon nanda ro pagtuman sa Kasuguan ni Moises. Imo pa kuno sanda nga ginahambae nga indi eon pagtulion ro andang mga unga ag indi eon pagsundon ro atong mga kaugalian.

Mga Binuhatan 22:21

Naghambae dayon ro Ginuo kakon, ‘Panaw eon ay paadtunon ta sa maeayo nga mga lugar it mga bukon it Judio.’ ”

Mga TagaRoma 1:16

Owa gid ako nahuya nga magsugid ku Mayad nga Balita parti kay Jesus ay una dikaron ro gahom it Dyos sa pageuwas sa tanan nga nagatuo kana. Ro hauna nga ginsugiran karon hay mga Judio ag ku ulihi hay ro mga bukon it Judio.

Mga TagaEfeso 3:8

Bisan ako ro pinakakubos sa tanan nga mga katawhan it Dyos, ginpakita gihapon nana kakon ro anang sobrang kabuot nga gintaw-an nana ako it pribilihiyo nga magwali sa mga bukon it Judio parti sa bugana ag indi matungkad nga pagpakamaayo ni Kristo.

Mga TagaColosas 1:27

Ro gusto it Dyos nga ipahisayod katon hay kamo nga mga bukon it Judio hay hatapoe man sa anang makangawa-ngawa ag kanamion nga plano. Ag ro anang plano ngaron hay nga si Kristo hay una man sa inyong tagipusuon, ngani sigurado kamo nga makapaeangit.

1 Timoteo 2:7

Mawron 't-a nga ginbutang ako it Dyos nga apostol ag manogwali agod iwali ko sa mga bukon it Judio ro kamatuuran parti sa pagtuo kay Jesus. Minatuod ro akon ngara nga ginahambae ag owa gid ako nagapinuril.

2 Timoteo 1:11

Para gid-a sa pagpasayod ku rayang Mayad nga Balita nga ginbutang ako it Dyos bilang manogwali, apostol ag manogturo.

Santiago 1:1

Raya nga sueat hay halin kakon nga si Santiago nga isaeang ka ulipon it Dyos ag ni Ginuong Jesu-Kristo. Nagasueat ako kinyo nga mga inapo ni *Israel nga nagatuo kay Jesu-Kristo ag nagaistar eon sa nagakaeain-eain nga lugar sa kalibutan. Kumusta lang kinyo tanan.

1 Pedro 1:1

Raya nga sueat hay halin kakon nga si Pedro nga sangka *apostol ni Jesu-Kristo. Nagasueat ako kinyo nga mga katawhan nga pinili it Dyos nga nagapangabuhi bilang mga umaeagi iya sa ibabaw it kalibutan nga makaron hay nagaistar eon sa nagakaeain-eain nga lugar sa mga probinsya it Pontus, Galacia, Capadosia, Asya ag Bitinia.