Juan 7:30 - Inkeanon

³⁰ Pagkabati it mga manogdumaea ku ginhambae ngato ni Jesus hay ginadakop kunta nanda imaw, pero owa gid it bisan sin-o nga nakatabing kana ay owa pa mag-abot ro oras nga tumanon nana ro plano it Dyos.

Juan 7:30 Iomraidhean Croise

Mateo 12:14

Pumanaw eagi ro mga Pariseo ag ginplanuhan kon paalin patyon si Jesus.

Mateo 21:46

hay anda kunta imaw nga ginadakop. Pero owa man nanda pagpadayuna ay nahadlok man sanda sa mga tawo dahil nga nagapati ro mga tawo nga propeta si Jesus.

Marcos 11:18

Pagkasayod ku mga pinuno it mga saserdote ag ku mga maestro it Kasuguan ku gin-obra ni Jesus hay nag-usoy sanda it ideya kon paalin nanda imaw hipatay, ay nahadlok sanda kana. Nahadlok sanda kay Jesus ay hangawa gid ro tanan nga mga tawo sa ana nga mga ginaturo.

Lucas 20:19

Ginadakop eagi kunta ku mga maestro it Kasuguan ag ku mga pinuno it mga saserdote si Jesus ay nakatagumpaaw sanda nga sanda ro anang ginapatamaan ku ana ngatong istorya. Pero owa man nanda pagpadayuna ay nahadlok man sanda sa mga tawo nga apin kay Jesus.

Lucas 22:53

Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Juan 10:31

Pagkabati nanda kara, ro mga Judio hay nagpueueot eon man it bato, ag anda kunta nga eapugon si Jesus hasta mamatay.

Juan 10:39

Pagkabati nanda kato hay anda eon man kunta nga dakpon si Jesus, pero matsa pumuslot eang imaw sa andang alima.

Juan 11:57

Ro mga pinuno it mga saserdote ag ro mga Pariseo hay nagsugo sa mga tawo nga sugiran sanda kon may makasayod kon siin si Jesus, agod anda imaw nga ikapadakop.

Juan 7:19

Bukon abi it gintao kato kinyo ni Moises ro Kasuguan it Dyos? Pero owa it bisan sin-o kinyo nga nagatuman gid karon, ay kon gatuman gid matuod kamo hay ham-an it ginaideyahan ninyo nga hipatay ako?”

Juan 7:32

Habatian ku mga Pariseo ro ginahambae ngara ku mga tawo parti kay Jesus, ngani sanda ag ro mga pinuno it mga saserdote hay nagsugo it mga gwardya it Templo agod dakpon si Jesus.

Juan 7:6

Nagsabat kanda si Jesus, “Owa pa't-a mag-abot ro oras nga tumanon ko ro plano it Dyos. Pero kamo't-a hay makaadto idto bisan anong oras.

Juan 7:8

Sige, panaw eo't-a kamo idto sa Pagtililipon. Indi ako magmunot kinyo ay bukon ko pa ra it oras.”

Juan 8:20

Raya ro ginhambae ni Jesus tag idto imaw nagaturo sa *lagwirta it Templo, maeapit sa may ginabutangan it haead nga kwarta. Pero owa it nagdakop kana ay owa pa nag-abot ro oras nga tumanon nana ro plano it Dyos.

Juan 8:37

Sayod ako nga mga inapo kamo ni Abraham, pero gusto gihapon ninyo ako nga patyon, ay owa gid-a ninyo gintanom sa inyong paino-ino ro akong ginahambae.

Juan 8:59

Ngani nagpueot sanda it bato ag anda kunta imaw nga eapugon hasta mamatay, ugaling hay naduea't-a imaw sa andang panueok ag gumuwa dayon imaw sa Templo.

Juan 9:4

Dapat naton nga obrahon ro ginapaobra ku nagpadaea iya kakon samtang adlaw pa, ag may aton pa nga kahigayunan. Kon madueom eon abi hay owa eon it makaobra karon.