Juan 7:22 - Inkeanon

²² Pero kamo ngani hay gatuli man ku inyong mga eapsag pagkawaeong adlaw nga natawo bisan hanuon rato sa Adlaw it Inogpahuway, agod eang tumanon ro kasuguan ni Moises parti sa pagtuli it mga unga. Pero bukon it sa tyempo ni Moises ron nag-umpisa kundi sa tyempo pa't-a ku mga kalolo-lolohan nga mas hauna pa kay Moises.

Juan 7:22 Iomraidhean Croise

Mga Binuhatan 7:8

Bago ron nagkaeanabo hay may kasugtanan nga gintao ro Dyos kay Abraham, nga nakaplastar dikato nga dapat nga tulion imaw ag ro tanan nga eaki nga anang kaapo-apohan, ag ro tanan nga eaki sa andang panimaeay. Ngani tag natawo ro anang unga nga si Isaac, gintuli imaw ni Abraham pagkawaeong adlaw. Makaraya man ro gin-obra ni Isaac sa anang unga nga si Jacob, ag makaraya man ro gin-obra ni Jacob sa anang doseng ka unga nga aton ngani nga mga kalolo-lolohan.

Mga TagaGalacia 3:17

Ro ginpromisa it Dyos kay Abraham hay ginpromisa gid nana bago nana gintao ro Kasuguan kay Moises ku ulihi, pagkataliwan it 430 anyos. Pero ro Kasuguan hay owa it gahom nga makasamad sa promisa ngato o magbaylo it bisan ano dikato.