Juan 7:19 - Inkeanon

¹⁹ Bukon abi it gintao kato kinyo ni Moises ro Kasuguan it Dyos? Pero owa it bisan sin-o kinyo nga nagatuman gid karon, ay kon gatuman gid matuod kamo hay ham-an it ginaideyahan ninyo nga hipatay ako?”

Juan 7:19 Iomraidhean Croise

Mateo 12:14

Pumanaw eagi ro mga Pariseo ag ginplanuhan kon paalin patyon si Jesus.

Mateo 21:38

Pero pagkakita ku mga manog-agsa nga nagapaeangop ro unga ku tag-ana it ubasan hay nagkaeasugot sanda. Hambae nanda, ‘Hara ro manunubli ku ubasan ngara. Patyon ta imaw agod aton eon dayon ro anang paeanublion ngara.’

Marcos 11:18

Pagkasayod ku mga pinuno it mga saserdote ag ku mga maestro it Kasuguan ku gin-obra ni Jesus hay nag-usoy sanda it ideya kon paalin nanda imaw hipatay, ay nahadlok sanda kana. Nahadlok sanda kay Jesus ay hangawa gid ro tanan nga mga tawo sa ana nga mga ginaturo.

Marcos 3:4

Ginpangutana dayon ni Jesus ratong mga nagabantay kana, “Suno sa Kasuguan, ano ro puyding obrahon kon Adlaw it Inogpahuway? Ro mayad o ro maeain? Magtabang baea o magpatay?” Pero owa sanda magsabat.

Marcos 3:6

Naggueuwa eagi sa ratong sinagoga ro mga Pariseo ag nagpakigkita sa mga kaapin ni *Herodes agod planuhan kon paalin patyon si Jesus.

Juan 1:17

Gintao it Dyos ro *Kasuguan paagi kay Moises pero paagi't-a kay Jesu-Kristo ginpakita it Dyos ro anang sobrang kabuot, ag ginpahayag ro kamatuuran parti sa kaeuwasan it tawo.

Juan 10:39

Pagkabati nanda kato hay anda eon man kunta nga dakpon si Jesus, pero matsa pumuslot eang imaw sa andang alima.

Juan 11:53

Ngani umpisa ku adlaw ngato, nag-inusoy eon ro mga lider it mga Judio it paagi kon paalin nanda ikapapatay si Jesus.

Juan 5:16

Dahil makaraya ro mga ginhinimo ni Jesus sa mga Adlaw it Inogpahuway, mawron nga halin kato, ginhiningabot imaw ku mga manogdumaea.

Juan 5:18

Pagkabati kara ku mga manogdumaea hay mas kapin pa gid nga nag-inusoy sanda it ideya nga hipatay imaw. Kon kanda, owa eang nana pageapasa ro Kasuguan parti sa Adlaw it Inogpahuway, kundi ana pa nga ginaako nga katupong imaw it Dyos Ama, ay ginhambae nana nga ana gid mismo nga ama ro Dyos.

Juan 5:45

“Sa adlaw it paghukom hay bukon 't-a it ako ro magaakusar kinyo sa Ama. Nagasalig kamo nga sa inyong pagtuman ku Kasuguan nga ginsueat ni Moises hay maeuwas kamo. Pero indi ninyo ron matuman it husto, ngani si Moises mismo ro magaakusar kinyo.

Juan 7:1

Pagkatapos kato hay idto eang si Jesus naglinibot sa Galilea. Owa imaw mag-adto sa Judea ay sayod nana nga nagainusoy it ideya ro mga manogdumaea it mga Judio idto nga hipatay imaw.

Juan 7:25

Pagkatapos, may ibang mga tagaJerusalem nga naghambae, “Bukon abi it raya ro tawo nga andang ginaideyahan nga patyon?

Mga Binuhatan 7:38

Tag nagtililipon si Moises ag ro atong mga kalolo-lolohan sa ubos ku Bukid it Sinai idto sa *disyerto, kay Moises man mismo nagpakighambae ro anghel it Dyos ag kana man gintugyan ro hambae it Dyos nga nagatao it kabuhi, agod itao man katon tanan.

Mga TagaGalacia 3:19

Hay ano gali ro katuyuan ku Kasuguan? Gintao ron it Dyos agod ipakita sa mga tawo nga makasasaea sanda. Duyon ro katuyuan ku Kasuguan hasta nga natawo ro isaea sa mga inapo ni Abraham nga si Kristo nga magatuman ku ginpromisa it Dyos. Makita pa gid nga mas mahaega ro promisa it Dyos kaysa sa Kasuguan tungod pagtao nana ku Kasuguan hay may ginpaagyan pa't-a imaw. Ginsugo nana ro mga anghel agod itao ro Kasuguan kay Moises, tapos gintao man rato ni Moises sa mga tawo.

Mga TagaGalacia 6:13

Bisan ngani nagpatuli sanda hay owa man nanda ginatumana it husto ro tanan nga nasueat sa Kasuguan. Gusto nanda nga magpatuli kamo agod ikapabugae nanda sa mga tawo nga nagatuman gid kamo sa andang ginaturo.