Juan 7:17 - Inkeanon

¹⁷ Masayran gid ku tawo nga gustong magsunod sa pagbuot it Dyos kon ro akong ginaturo hay akon-akon eang o halin sa Dyos.

Juan 7:17 Iomraidhean Croise

Mateo 6:22

Nagpadayon sa pagturo si Jesus. Hambae nana, “Ro imong mata hay parehas it lampara nga nagatao it kahayag kimo. Mawron nga kon owa it diperensya ro imong mata, mahayagan gid ro imong bilog nga eawas.

Lucas 8:15

Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginhuptan rato sa andang tagipusuon it hantop ag owa it pagpakuno-kuno. Padayon nanda nga ginatuman ro mensahi ngato bisan ano ro andang haagyan ag makita gid ro mayad nga bunga kato sa andang kabuhi.”

Juan 3:21

Pero ro tawo ma't-a nga ro buhat hay matarong hay nagapaeapit sa Iwag agod masayran nga ro anang buhat nga matarong hay anang ginahimo sa bulig it Dyos.”

Juan 8:43

Ham-an abi it indi kamo kaeubot sa akong ginahambae? Tungod indi kamo katakod magpamati sa akong mga ginahambae!

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Juan 8:47

Ro mga unga it Dyos hay nagapamati ag nagatuman sa ginahambae it Dyos kanda. Pero owa ninyo ron ginapamatii ag ginatumana tungod bukon kamo it mga unga it Dyos.”

Mga Binuhatan 17:11

Ro mga tawo idto hay mas bukas ro andang paino-ino kaysa sa mga tagaTesalonica. Naila gid sanda it duro nga magpamati sa mensahi ag adlaw-adlaw hay ginausisa nanda ro Sagrado nga Kasueatan kon matuod gid ro ginahambae ni Pablo.