Juan 7:14 - Inkeanon

¹⁴ Tag nagakatunga-tunga eon ro mga inadlaw ku Pagtililipon, nag-adto si Jesus sa *lagwirta it Templo ag nagtinuro.

Juan 7:14 Iomraidhean Croise

Mateo 21:12

Pag-abot nanda sa Jerusalem hay nagsueod si Jesus sa *lagwirta it Templo ag ginpangsuboe ro mga tawo nga idto nagabaligya it mga sapat nga pangsakripisyo. Ana man nga ginpangsuboe pati ro mga nagabakae ku mga sapat ngato. Ginpangbaliskad man nana ro mga lamisa it mga nagabaylo it kwarta pati ro mga pungkuan it mga nagabaligya it salampati.

Mateo 26:55

Ginhambae dayon ni Jesus ro kaabo ngato nga mga tawo, “Ano ay? Matsa rebelde't-a ako nga nagdaea pa kamo it daga ag bakulo sa pagdakop kakon. Adlaw-adlaw hay idto ako sa Templo nagalingkod ag nagaturo pero owa ninyo ako kato pagdakpa.

Lucas 19:47

Adlaw-adlaw hay nagaturo si Jesus sa Templo. Ro mga pinuno it mga saserdote, ro mga maestro it Kasuguan ag ro mga manogdumaea it banwa hay nagausoy it paagi kon paalin nanda imaw hipatay.

Juan 18:20

Nagsabat si Jesus kana, “Nagaturo ako permi sa atubang it kadagayaan. Idto ako permi nagaturo sa mga sinagoga ag sa Templo, nga tilipunan naton tanan nga mga Judio. Owa gid ako it ginhambae it patago.

Juan 5:14

Ku ulihi, nakita ni Jesus ratong eaki sa Templo. Ginhambae dayon imaw ni Jesus, “Haron, mayad ka eon pero dapat ka eon nga maghinuesoe ag magtalikod sa imong mga saea. Dahil kon indi hay basi mas pa ro imong maagyan kaysa sa imong diperensya anay ngato.”

Juan 7:2

Pahilangupon eon kato ro Pagtililipon it mga Judio nga kon tawgon hay *Pagpatindog it mga Payag.

Juan 7:28

Ngani ginbaskog dayon ni Jesus ro anang limog tag nagpadayon imaw sa anang pagturo sa Templo. Hambae nana, “Eaom ninyo hay kilaea ninyo ako ag kon tagasiin ako. Pero owa gid 't-a gali. Bukon it ako ro nagmato-mato nga mag-adto iya, kundi may una matuod nga nagpadaea kakon iya, ag owa ninyo imaw hakilaea.

Juan 7:37

Sa katapusan nga adlaw it Pagtililipon sa *Pagpatindog it mga Payag, nga imaw man ro pinakaimportanti nga adlaw sa bilog nga pagtililipon, nagtindog si Jesus ag naghambae it mabaskog, “Kon ginauhaw kamo, magdangop kamo kakon ag mag-inom.

Juan 8:2

Pagkaaga-aga hay nagbalik imaw sa *lagwirta it Templo. Tag idto eon imaw hay gintueumpukan imaw it mga tawo, ngani nagpungko imaw ag gintinud-an sanda.

Juan 8:20

Raya ro ginhambae ni Jesus tag idto imaw nagaturo sa *lagwirta it Templo, maeapit sa may ginabutangan it haead nga kwarta. Pero owa it nagdakop kana ay owa pa nag-abot ro oras nga tumanon nana ro plano it Dyos.