Juan 7:12 - Inkeanon

¹² Ro mga tawo ma't-a nga nagtililipon sa Jerusalem hay nagabinais parti kay Jesus. May mga gahambae, “Mayad ma't-a imaw nga tawo a.” Pero ro iba ma't-a hay gahambae, “Mayad gali ruyon nga ginapataeang 't-a nana ro mga tawo!”

Juan 7:12 Iomraidhean Croise

Mateo 10:25

Ngani dapat nga malipay ro sumueunod kon maltratuhon imaw pareho ku pagmaltrato sa anang manogturo. Imaw man sa ulipon. Dapat imaw malipay kon maltratuhon imaw pareho ku pagmaltrato sa anang amo. Kon ako ngani nga ueo it panimaeay hay gintawag ku mga tawo nga si Beelzebul, kamo man nga mga myembro it panimaeay hay sigurado nga pakalisdon nanda.”

Mateo 21:46

hay anda kunta imaw nga ginadakop. Pero owa man nanda pagpadayuna ay nahadlok man sanda sa mga tawo dahil nga nagapati ro mga tawo nga propeta si Jesus.

Mateo 27:63

Hambae nanda, “Sir, hadumduman namon nga naghambae ro manogpataeang ngato tag buhi pa imaw nga mabanhaw kuno imaw sa ikatlong adlaw.

Lucas 18:19

Nagsabat si Jesus, “Ham-an it ginatawag mo ako nga mayad? Owa it ibang mayad kundi ro Dyos eang.

Lucas 23:47

Pagkakita ku kapitan it mga soldado ku natabo hay gindinayaw nana ro Dyos. Hambae nana, “Matuod gid-a nga matarong ro tawo ngara!”

Lucas 23:50

May sangka tawo nga si Jose ro ngaean nga tagaArimatea nga sambilog sa mga banwa it Judea. Mayad ag matarong nga tawo si Jose. Nagapaabot gid imaw sa oras nga maghari eon ro Dyos sa anang mga sinakpan. Myembro imaw it *Sanedrin ag bukon ra imaw it kompormi sa plano ag gin-obra ku anang mga kaibahan sa konseho ngato.

Lucas 6:45

Makaruyon man ro tawo. Ro tawo nga may mayad nga kabubut-on hay gahimo man it mayad, ag ro tawo nga may maeain nga kabubut-on hay gahimo man it maeain. Kon ano ro una sa kabubut-on it tawo hay imaw man ro gaguwa sa ba-ba.”

Lucas 7:16

Hinadlukan gid it duro ro mga tawo ag anda nga gindinayaw ro Dyos. Sinanda, “Ginpakamaayo it Dyos kita nga anang mga katawhan ay ginpadaehan nana kita it gamhanan nga propeta!”

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 7:32

Habatian ku mga Pariseo ro ginahambae ngara ku mga tawo parti kay Jesus, ngani sanda ag ro mga pinuno it mga saserdote hay nagsugo it mga gwardya it Templo agod dakpon si Jesus.

Juan 7:47

Hinambaean sanda ku mga Pariseo, “Hay a, pati kamo hay hapataeang man?

Juan 7:52

Nagsabat sanda kay Nicodemus, “Hay pa isaea ka man sa mga bukiris nga tagaGalilea ay? Basaha tuo ro Kasueatan ag estudyuhan mo agod hisayran mo nga owa gid it propeta nga halin sa Galilea.”

Juan 9:16

Ngani naghambae ro ibang Pariseo, “Ro nag-obra kara hay bukon it ginpadaea iya it Dyos, ay ginaeapas nana ro kasuguan parti sa Adlaw it Inogpahuway.” Pero ro iba ma't-a hay naghambae, “Huo ngani, pero makahimo baea ro makasasaea it mga milagrosong pamatuod nga makaraya?” Ngani owa sanda nagkaeasugot.

Mga Binuhatan 11:24

Mayad nga tawo si Barnabas ag ginagamhan imaw permi it Espirito Santo ag hugot ro anang pagtuo sa Dyos ngani abo pa gid ro nagtuo sa Ginuo idto.

Mga TagaRoma 5:7

Taeagsa eang gakatabo nga may maghaead ku anang kabuhi para sa sangka matarong nga tawo pero basi ma't-a nga may maisog nga maghimo karon para sa sangka tawo nga mayad gid ro batasan.

Mga TagaFilipos 2:14

Obraha ninyo ro tanan ninyong ginaobra nga owa it reklamo o binais,