Juan 7:11 - Inkeanon

¹¹ Idto sa Pagtililipon hay ginainusoy imaw ku mga manogdumaea it mga Judio ag nagapinangutana sanda sa mga nagataeambong kon siin eon imaw.

Juan 7:11 Iomraidhean Croise

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 11:56

Andang ginainusoy si Jesus ag tag idto eon sanda sa *lagwirta it Templo, nagpaeangutan-an sanda, “Indi't-a siguro imaw mag-adto sa Pagtililipon, no? Ano abi kon kinyo?”

Juan 7:1

Pagkatapos kato hay idto eang si Jesus naglinibot sa Galilea. Owa imaw mag-adto sa Judea ay sayod nana nga nagainusoy it ideya ro mga manogdumaea it mga Judio idto nga hipatay imaw.

Juan 7:13

Pero owa man nanda ginabaskuga ro andang istorya ay nahadlok sanda nga mabatian ku andang mga manogdumaea.

Juan 7:15

Hangawa gid ro mga manogdumaea it mga Judio sa anang ginaturo. Hambae nanda, “Ham-an baea it abo't-a ro hasayran ku tawo ngara ay owa man imaw ra it mataas nga tinun-an?”

Juan 9:12

Nagpangutana sanda, “Hay siin eon imaw?” Nagsabat ro eaki, “Tao ngani.”