Juan 6:9 - Inkeanon

⁹ “May iya nga sangka unga nga eaki nga may baeon nga limang ka sebada nga tinapay ag daywang ka isda. Pero paalin ra makaigo sa kaabuon ku mga tawo ngara?”

Juan 6:9 Iomraidhean Croise

Mateo 14:17

Nagsabat sanda, “Limang ka tinapay ag daywang ka isda gid lang ro pagkaon ngara iya.”

Mateo 16:9

Owa baea gihapon kamo kaeubot? Halipat eo't-a baea kamo kon pilang ka kaing ro sobra nga inyong hatipon kat ginpakaon ko kato ro limang libo sa lima eang nga ka tinapay?

Marcos 6:38

Ginpangutana sanda ni Jesus, “Pilang bilog ro tinapay una? Tan-awa abi ninyo.” Pagbalik nanda hay nagsugid sanda, “Limang ka tinapay gid lang ag daywang ka isda.”

Marcos 8:19

kon pilang ka kaing ro inyong hatipon nga sobra tag ginpakaon ko kato ro limang libo sa lima eang nga ka tinapay?” “Dose,” andang sabat.

Lucas 9:13

Pero nagsabat kanda si Jesus, “Kamo mismo ro magtao kanda it pagkaon.” Nagsabat sanda, “Limang ka tinapay ag daywang ka isda gid lang ro pagkaon ngara iya, mageuwas eang abi ron kon magpanaw kami ag magbakae it pagkaon para sa kaabo-abo ngarang tawo.”

Juan 11:21

Pag-abot ni Marta hay naghambae imaw kay Jesus, “Ginuo, kon iya ka't-ing kunta hay owa't-a namatay ro akong igmanghod.

Juan 11:32

Pag-abot ni Maria kay Jesus hay nageuhod imaw sa atubang na kara ag naghambae, “Ginuo, kon iya ka't-ing kunta hay owa't-a namatay ro akong igmanghod.”

Juan 21:10

Ginhambae sanda ni Jesus, “Daea kamo iya it pilang bilog ku inyong dakop.”

Juan 21:13

Ginbuoe dayon ni Jesus ro tinapay ag isda ag gintao kanda.

Juan 21:9

Kat nakatakas eon sanda, hakita nanda nga may idto nga baga ag may ginaihaw nga isda ag may idto man nga tinapay.

Juan 6:11

Ginbuoe dayon ni Jesus ratong tinapay ag nagpasaeamat sa Dyos. Ana dayon rato nga ginpapanueupod sa mga nagapueungko ngato. Makarato man ro anang gin-obra sa isda ag nagkaon sanda hasta nagkaeabusog.

Juan 6:7

Nagsabat si Felipe, “Bisan waeong buean nga sweldo it sangka trabahador hay indi mag-igo nga ibakae it tinapay agod maghilisamit sanda, bisan tig sangkiri.”

2 Corinto 8:9

Kabay pa nga pursigido man kamo mag-amot ay sayod ninyo ro sobrang kabuot ku atong Ginuo nga si Jesu-Kristo. Bisan manggaranon imaw sa eangit hay nagpakapobre imaw para kinyo paagi sa anang pagpakatawo iya sa kalibutan agod paagi karon kamo hay mangin manggaranon.

Pahayag 6:6

May habatian dayon ako nga naghambae nga matsa halin sa tunga ku ap-at nga ka buhi nga tinuga. Sinana, “Magtuga ka it sobrang tiggueutom sa bilog nga kalibutan agod ro presyo it sang kilo nga harina nga trigo hay sang adlaw man nga sweldo it sangka trabahador. Makaruyon man ro presyo it tatlong kilo nga harina nga sebada. Pero ayaw pagtabinga ro presyo it bino ag eana.”