Juan 6:70 - Inkeanon

⁷⁰ Naghambae dayon si Jesus, “Bukon abi nga ako't-a ro nagpili kinyo nga dose? Pero ro sambilog kinyo hay ulipon ni Satanas.”

Juan 6:70 Iomraidhean Croise

Juan 13:18

“Pero bukon it kamo tanan ro akong ginahambaean kara. Kilaea ko ro pagkatawo ku akong mga ginpili ag ro sambilog kinyo hay indi pagpakamaayuhon. Pero ginpili ko gihapon imaw agod matuman ro ginhambae sa Sagrado nga Kasueatan nga: ‘Ro nagasaeo sa akon nga pagkaon hay nagtraidor kakon.’

Juan 13:2

Tag nagakaon eon si Jesus ag ro anang mga sumueunod it ihapon hay sinuhot eon karon ni Satanas ro paino-ino ni Judas, nga unga ni Simon Iscariote, nga traiduron nana si Jesus.

Juan 13:21

Pagkahambae karon ni Jesus hay mat kinuso ro anang tagipusuon ag naghambae dayon imaw, “Matuod gid rang ginahambae kinyo nga may sambilog kinyo nga magatraidor kakon.”

Juan 13:27

Pagkabaton ni Judas ku tinapay ngato hay nagsueod dayon kana si Satanas. Ginhambae dayon imaw ni Jesus, “Obraha eagi ro imong gindesidihan nga obrahon.”

Juan 15:16

Bukon it kamo ro nagpili kakon kundi ako't-a ro nagpili ag nagbutang kinyo sa oeobrahon it pagpanaw ag pagturo parti kakon, agod magtuo man ro ibang tawo kakon. Ro bunga ku inyong pagkabudlay ngaron hay magapadayon bisan hasta hin-uno. Ag dahil karon hay taw-an kamo ku Ama it bisan ano nga inyong pangayuon sa akon nga ngaean.

Juan 15:19

Kon pareho kamo kanda nga owa nagatuo kakon hay mailaan 't-a nanda kamo ay paeareho abi kamo. Pero bukon kamo it pareho kanda ay ginpili ko kamo agod bukon eon kamo it kaibahan ku mga owa nagatuo kakon. Mawron nga ginakaugtan nanda kamo.

Juan 17:12

Samtang kaibahan pa nanda ako hay ginabuligan ko sanda nga ro andang kinaiya hay mangin pareho ku imong kinaiya nga imong ginpapahayag kakon. Ginbantayan ko gid sanda it mayad ag owa gid kanda it naduea, mageuwas eang sa sambato nga nag-usoy ma't-a ku anang owa it katapusan nga pina sa impyerno. Pero dapat rato nga matabo agod ro ginsueat sa Sagrado nga Kasueatan hay matuman.

Juan 2:2

Si Jesus ag ro anang mga sumueunod hay idto man tungod kangay man sanda.

Juan 20:24

Si Tomas nga Kapid ro hayo, ag isaea sa doseng ka sumueunod ni Jesus hay owa idto tag nagpakita si Jesus sa anang mga sumueunod.

Juan 6:64

Pero may una gihapon kinyo nga owa nagatuo kakon.” Ginhambae ron ni Jesus ay halin pa kato hay sayod eagi imaw kon sin-o ro mga owa nagatuo kana, ag kon sin-o ro magatraidor kana.

Juan 6:67

Ngani ginhambae nana ro anang dose nga ka sumueunod, “Hay kamo? Indi ma't-a kamo magtalikod kakon no?”

Juan 6:71

Ro ginapatungdan kato ni Jesus hay si Judas nga unga ni Simon Iscariote, dahil imaw ra ro magatraidor kay Jesus sa ulihi, bisan isaea ra imaw sa dose nana nga ka sumueunod.

Juan 8:44

Si Satanas ro inyong ama, ngani naila kamo magtuman sa anang gusto. Halin pa ku umpisa hay manogpatay eon imaw ag ginakaugtan nana ro kamatuuran, ay maeayo ro kamatuuran sa anang kabubut-on. Kon gapinuril ngani imaw hay suno gid-a ron sa anang kinaiya, ay purilon imaw ag imaw man ro ginahalinan it tanan nga kapurilan.

Mga Binuhatan 1:17

Isaea imaw kamon nga mga apostoles, ag may ana man nga parti sa oeobrahon nga gintugyan kamon.”

Mga Binuhatan 13:10

“Makay Satanas ka gid! Puro eang pagpangluko ag kaeainan ro imong ginahimo! Ginakuntra mo bisan ano nga matarong! Hay, indi ka gid magpundo sa pagbinaliskad ku kamatuuran nga halin sa Ginuong Dyos?

1 Timoteo 3:11

Ro mga bayi nga manogbulig it mga manogdumaea hay dapat nga taeahuron man, owa gapangsamad sa iba, owa nagapasobra sa bisan ano, ag masaligan sa tanan nga bagay.

Tito 2:3

Hambaei man ro mga magueang eon nga mga bayi nga magkabuhi it balaan bilang katawhan it Dyos. Indi dapat sanda magpangsamad sa iba, ag indi magpaulipon sa inom. Dapat nga sanda hay halimbawa kon mauno ro mayad nga pagkabuhi

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.