Juan 6:66 - Inkeanon

⁶⁶ Halin kato, abo sa mga nagasinunod ngato kana ro nagtalikod ag owa eon magsunod-sunod.

Juan 6:66 Iomraidhean Croise

Mateo 19:22

Pagkabati ku miron sa ginhambae ni Jesus hay tumalikod imaw nga nagakasubo ay kaabo-abo ro anang pagkabutang.

Lucas 9:62

Pero naghambae si Jesus kana, “Ro tawo nga naila magsunod kakon pero perming nagabalik ro anang isip sa anang haaywanan nga pangabuhi hay parehas it tawo nga nagaarado pero nagainadwing. Ro tawo nga parehas kara hay bukon it bagay nga itapoe sa mga sinakpan it Dyos.”

Juan 2:2

Si Jesus ag ro anang mga sumueunod hay idto man tungod kangay man sanda.

Juan 6:60

Pagkabati ku mga nagasinunod kay Jesus ku ana ngatong ginturo hay abo kanda ro naghambae, “Grabi gid-a ro anang ginahambae ngaron. Sin-o man abi karon ro makabaton?”

Juan 6:64

Pero may una gihapon kinyo nga owa nagatuo kakon.” Ginhambae ron ni Jesus ay halin pa kato hay sayod eagi imaw kon sin-o ro mga owa nagatuo kana, ag kon sin-o ro magatraidor kana.

Juan 7:3

Ngani naghambae kay Jesus ro anang mga igmanghod, “Ham-a't gadinuhong ka't-ing riya? Panaw abi 'to sa Judea agod hikita man ku kaabo nimong mga sumueunod ro imong mga makangawa-ngawang ginaobra!

Juan 8:31

Tapos hay naghambae si Jesus sa mga Judio ngato nga nagtuo kana, “Kon magpadayon kamo sa pagsunod sa akong ginaturo hay matuod gid nga mga sumueunod ko kamo.

2 Timoteo 1:15

Sayod mo nga haeos tanan nga mga tumueuo inha sa probinsya it Asya hay nagtalikod kakon, pati man sanday Figelus ag Hermogenes.

2 Timoteo 4:10

ay gin-aywanan eon ako ni Demas ag nag-adto imaw sa Tesalonica, ay naila't-a imaw it duro sa kasadyahan sa rayang tyempo, ag owa eo't-a it bali kana kon owa imaw it mabaton nga premyo sa ulihi. Nagpanaw si Cresens sa probinsya it Galacia, ag si Tito ma't-a hay idto sa probinsya it Dalmatia.

Mga Hebreo 10:38

Ro akong mga balaan nga katawhan nga nangin balaan paagi sa andang pagtuo kakon hay magakabuhi hasta sa owa it katapusan. Pero kon magtalikod sanda kakon hay indi ako malipay kanda.”

1 Juan 2:19

Ro mga nagakuntra ngaron kay Kristo hay mga kaibahan anay naton kato, ugaling hay nagbueag sanda katon. Pero ro andang pagbueag hay gapakilaea nga bukon gid sanda it matuod nga kaibahan naton nga mga tumueuo ni Kristo, ay kon matuod sanda nga tumueuo ni Kristo hay indi sanda magbueag katon.