Juan 6:52 - Inkeanon

⁵² Pagkabati kara ku mga Judio hay nagbinais sanda ag nagpaeangutan-an, “Paalin ikatao ku tawo ngara ro anang eawas agod atong kan-on?”

Juan 6:52 Iomraidhean Croise

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 10:19

Pagkabati ku mga manogdumaea it mga Judio sa mga ginhambae ngaron ni Jesus hay owa sanda magkaeasugot parti kana.

Juan 3:4

Pero nagpangutana si Nicodemus, “Paalin baea matawo it uman ro tawo kon may idad eon imaw? Hay pa, makabalik pa imaw sa tiyan ku anang ina ag iunga eon man ay?”

Juan 3:9

Pero nagpangutana pa gid si Nicodemus, “Hay paalin ron matabo?”

Juan 4:11

Nagpangutana ro bayi, “Sir, owa ka't-ing it timba ag kadaeom 't-a ro bubon ngara. Hay siin ka mabuoe it tubi ngaron nga nagatao it kabuhi?

Juan 6:41

Nagkilinumod ro mga Judio kuntra kay Jesus ay naghambae imaw nga imaw ro minatuod nga pagkaon nga naghalin sa eangit.

Juan 6:60

Pagkabati ku mga nagasinunod kay Jesus ku ana ngatong ginturo hay abo kanda ro naghambae, “Grabi gid-a ro anang ginahambae ngaron. Sin-o man abi karon ro makabaton?”

Juan 9:16

Ngani naghambae ro ibang Pariseo, “Ro nag-obra kara hay bukon it ginpadaea iya it Dyos, ay ginaeapas nana ro kasuguan parti sa Adlaw it Inogpahuway.” Pero ro iba ma't-a hay naghambae, “Huo ngani, pero makahimo baea ro makasasaea it mga milagrosong pamatuod nga makaraya?” Ngani owa sanda nagkaeasugot.

Mga Binuhatan 17:32

Paghambae ni Pablo parti sa pagkabanhaw hay ginhibaygan imaw ku iba. Ro iba ma't-a hay naghambae, “Gusto namon nga mamati kimo it uman parti kara.”

1 Corinto 2:14

Pero ro tawo nga owa kana ro Espirito it Dyos hay indi magbaton ku mga kamatuuran nga ginaturo ku Espirito Santo. Pinaumang ron kon kana ag indi nana maeubtan bangod owa kana ro Espirito Santo nga gabukas ku anang paino-ino agod makaeubot imaw.