Juan 6:51 - Inkeanon

⁵¹ Ako nga naghalin sa eangit rondayang pagkaon nga nagatao it minatuod nga kabuhi. Ag ro magakaon ku pagkaon ngara hay magakabuhi hasta sa owa it katapusan. Ag ro pagkaon ngani ngara nga itao nakon sa mga tawo sa kalibutan agod magakabuhi sanda hay ro akon nga eawas.”

Juan 6:51 Iomraidhean Croise

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Lucas 22:19

Pagkatapos, nagbuoe imaw it tinapay, ginpasaeamatan ra nana sa Dyos, ginpihak-pihak ag gintao kanda. Hambae nana, “Raya ro akong eawas nga ginatao para kinyo. Himua ra ninyo permi sa pagdumdum kakon.”

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 11:26

Ag ro tanan nga nagatuo kakon nga may kabuhi ngara nga owa it katapusan hay indi makaagi it kamatayon bisan hasta hin-uno. Gapati ka karon?”

Juan 3:13

Owa it nakasayod parti sa mga butang sa eangit ay owa pa it nakaadto idto. Pero ako nga Unga it Tawo hay makasugid karon ay idto ako maghalin.

Juan 3:14

Ag ro matabo kakon hay pareho man sa natabo sa sawa nga saway nga ginpakabit ni Moises sa kahoy ag ginpatindog tag idto sanda sa *disyerto. Dahil dapat ako nga Unga it Tawo hay ieansang sa krus ag patindugon

Juan 3:16

“Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Juan 3:36

Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Juan 6:33

Ag ro minatuod nga pagkaon ngara nga ginatao it Dyos hay ro naghalin sa eangit ag nagatao it matuod nga kabuhi sa mga tawo iya sa kalibutan.”

Juan 6:35

Nagsabat si Jesus, “Ako't-a ro pagkaon nga nagatao it minatuod nga kabuhi. Ro bisan sin-o nga gadangop kakon hay indi eon paggutumon bisan hasta hin-uno ag ro bisan sin-o nga gatuo kakon hay indi eon pag-uhawon it uman.

Juan 6:41

Nagkilinumod ro mga Judio kuntra kay Jesus ay naghambae imaw nga imaw ro minatuod nga pagkaon nga naghalin sa eangit.

Juan 6:47

Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.

Juan 6:48

Ako ro pagkaon nga nagatao it minatuod nga kabuhi.

Juan 6:50

Pero iya kinyo ro pagkaon nga halin sa eangit agod makaon it bisan sin-o ag ro makakaon kara hay indi makaagi it kamatayon.

Juan 7:38

Ro matabo sa mga nagatuo kakon hay pareho sa ginahambae sa Sagradong Kasueatan nga ‘Halin sa sueod nana hay may magabusawak nga tubi nga gatao it minatuod nga kabuhi.’ ”

2 Corinto 5:19

Ginaturo namon ro mensahi nga paagi sa kamatayon ni Kristo hay nag-obra ro Dyos it paagi agod puydi nana hibilang nga owa eon it mga pageapas ro tawo kana. Daya ro mensahi nga gintugyan nana kamon nga ituro, agod magmayad ro andang relasyon sa Dyos.

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

Mga TagaEfeso 5:25

Kamo man nga mga eaki hay dapat ninyo nga higugmaon ro inyong asawa pareho ku paghigugma ni Kristo katon tanan nga mga nagatuo kana. Ginpakita nana ron sa anang pagsakripisyo ku anang kabuhi por dahil katon.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 10:20

Paagi sa anang kamatayon hay nag-obra imaw it bag-o nga daean agod makapaeapit eon kita sa Dyos. Ginpakita it Dyos nga makapaeapit eon kita kana dahil tag namatay si Jesus hay gin-gisi it Dyos ro kurtina nga nagaabang sa tawo nga makasueod sa anang atubang sa Pinakasagrado nga Kwarto idto sa Templo. Ag mahambae naton nga ro bag-o ngara nga daean hay buhi nga daean dahil si Jesus mismo ro daean, ag nabanhaw imaw, ag buhi hasta sa owa it katapusan.

1 Pedro 2:4

Buhi gid si Kristo ag ginahalimbawa imaw sa sinilsil nga bato nga ginagamit sa pundasyon it bilding. Ginbilang imaw nga owa it pueos it mga tawo, pero imaw ro pinili it Dyos ag mahaega sa anang panueok. Ag samtang nagapaeapit kamo kay Kristo,

1 Juan 2:2

Ag paagi sa kamatayon ni Jesu-Kristo hay ginpatawad eon kita sa atong mga saea. Namatay imaw bukon eang it dahil sa atong mga saea kundi dahil man sa saea it tanan nga mga tawo.

1 Juan 4:10

Ro matuod nga kahueugan it gugma hay bukon it tag makita sa atong paghigugma sa Dyos kundi sa anang paghigugma katon, tag ginpaadto na riya ro anang unga agod paagi sa ana ngara nga unga hay mapatawad ro atong mga saea.

1 Juan 4:14

Hakita gid namon si Jesus. Ngani ginapamatud-an man namon nga ginpaadto iya it Dyos nga Ama ro anang Unga agod mangin Maneueuwas it kalibutan.