Juan 6:5 - Inkeanon

⁵ Pagtan-aw ni Jesus, nakita nana ratong kaabo-abo nga tawo nga nagsinunod kanda nga nagapaadto eon kanda. Naghambae imaw kay Felipe, “Siin baea kita mabakae it pagkaon para sa mga tawo ngara ay?”

Juan 6:5 Iomraidhean Croise

Mateo 15:33

Nagsabat ro anang mga sumueunod, “Siin abi kita mabuoe it ipakaon karon kanda ay owa gid it kabaeayan riya ag kaabo-abo pa sanda?”

Marcos 6:32

Ngani nagsakay sanday Jesus sa baroto ag nag-adto sa lugar nga owa it kabeayan agod sanda-sanda eang idto.

Lucas 9:10

Pagbalik ku mga apostoles halin sa andang panaw, ginsugid nanda kay Jesus ro andang gin-obra. Gindaea dayon nana sanda sa lugar nga maeapit sa banwa it Betsaida agod sanda-sanda eang idto.

Juan 1:43

Pagkamasunod nga adlaw, nagdesisyon si Jesus nga maadto sa probinsya it Galilea. Ku ulihi, hakita nana si Felipe ag ginhambae nana ra, “Mus, sunod kakon bilang akong sumueunod.”

Juan 1:44

Si Felipe ngara hay tagaBetsaida sa Galilea, pareho nanday Andres ag Pedro.

Juan 1:45

Gin-usoy man dayon ni Felipe si Nataniel. Pagkakita nana kay Nataniel, ginhambae ra nana, “Nakit-an eon namon ro ginapatungdan ni Moises sa Kasuguan ag ku mga propeta sa andang ginsueat. Imaw ra hay si Jesus nga tagaNazaret nga unga ni Jose.”

Juan 1:46

Nagsabat si Nataniel, “TagaNazaret? May mapinuslanon gid baea nga matabo dahil sa sangka tagaNazaret?” “Musyon tuo, agod hipamatud-an mo,” sabat ni Felipe.

Juan 1:48

Ginpangutana imaw ni Nataniel, “Ham-an it kilaea mo't-a ako?” Nagsabat si Jesus, “Nakita ko eon ikaw sa idaeom it puno it higera bago ka pa ginsueang ni Felipe.”

Juan 4:35

Bukon abi it may hambaeunon kamo nga ‘ap-at nga buean bago makaani’? Pero ginahambae ko kinyo nga tig-aeani eon kon tawo't-a ro aeanihon. Ngani umpisa makaron, kon makakita kamo it mga tawo, bilanga ninyo sanda nga pareho it aeanyon nga haom eon anihon.