Juan 6:41 - Inkeanon

⁴¹ Nagkilinumod ro mga Judio kuntra kay Jesus ay naghambae imaw nga imaw ro minatuod nga pagkaon nga naghalin sa eangit.

Juan 6:41 Iomraidhean Croise

Lucas 15:2

Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.”

Lucas 19:7

Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”

Lucas 5:30

Pagkatapos kara hay ginbuslahan ku mga Pariseo ag ku mga maestro it Kasuguan nga kapareho nanda nga mga Pariseo man ro mga sumueunod ni Jesus ay naugot sanda. “Ham-an it nagasaeo kamo sa mga *manogsukot it buhis ag sa iba pa nga mga makasasaea?” hambae nanda.

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 6:33

Ag ro minatuod nga pagkaon ngara nga ginatao it Dyos hay ro naghalin sa eangit ag nagatao it matuod nga kabuhi sa mga tawo iya sa kalibutan.”

Juan 6:43

Ginsabat sanda ni Jesus, “Ayaw kamo it kinumod.

Juan 6:48

Ako ro pagkaon nga nagatao it minatuod nga kabuhi.

Juan 6:58

“Ako ro minatuod nga pagkaon nga naghalin sa eangit nga bukon it pareho ku pagkaon nga ginkaon kato ku atong mga kalolo-lolohan. Bisan ginkaon nanda rato hay nagkaeamatay man gihapon sanda. Pero ro nagakaon ku raya nga minatuod nga pagkaon hay magakabuhi hasta sa owa it katapusan.”

Juan 6:60

Pagkabati ku mga nagasinunod kay Jesus ku ana ngatong ginturo hay abo kanda ro naghambae, “Grabi gid-a ro anang ginahambae ngaron. Sin-o man abi karon ro makabaton?”

Juan 6:66

Halin kato, abo sa mga nagasinunod ngato kana ro nagtalikod ag owa eon magsunod-sunod.

Juan 7:12

Ro mga tawo ma't-a nga nagtililipon sa Jerusalem hay nagabinais parti kay Jesus. May mga gahambae, “Mayad ma't-a imaw nga tawo a.” Pero ro iba ma't-a hay gahambae, “Mayad gali ruyon nga ginapataeang 't-a nana ro mga tawo!”

1 Corinto 10:10

Ayaw kamo it reklamo kuntra sa inyong mga manogdumaea pareho ku iba kanda mawron ngani nga ginpamatay sanda ku anghel nga ginpaadto it Dyos.

Judas 1:16

Ro mga tawo ngaron hay perming nagasinura ag nagariniklamo. Ginapinasugtan nanda ro andang mga maeain nga handom. Mga bugaeon sanda ag mayad man magpang-into agod makapamintaha.