Juan 6:4 - Inkeanon

⁴ Madali lang kato ro pagtililipon it mga Judio nga kon tawgon hay Pagdumdum ku *Pagtaliwan.

Juan 6:4 Iomraidhean Croise

Juan 11:55

Madali lang ro Pagtililipon sa Pagdumdum ku *Pagtaliwan ngani abo nga mga Judio ro nagpanaw paJerusalem halin sa mga kabaryuhan agod tumanon ro kasuguan parti sa phagpakalimpyo bago mag-abot ro Pagtililipon.

Juan 12:1

Tag an-om nga adlaw lang bago ro Pagtililipon sa Pagdumdum ku *Pagtaliwan, nagbalik sanday Jesus sa Betania nga baryo ni Lazarus nga ana ngatong ginbanhaw.

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 2:13

Maeapit lang kato ro Pagtililipon sa Pagdumdum ku *Pagtaliwan nga ginaselebrar ku mga Judio. Ngani nag-adto sa Jerusalem si Jesus.

Juan 5:1

Ku ulihi, may Pagtililipon eon man ro mga Judio, ngani nagpaJerusalem eon man si Jesus.